Vieiros

Vieiros de meu Perfil


Caso Couso: máis de catro anos de escusas e unha morte sen resolver

Redacción - 26/06/2007 11:15 - visitas

O Colexio Profesional de Xornalistas (CPXG) publica un pequeno dossier coa información relacionada co Caso Couso nas últimas datas.

A morte de Xosé Couso está sen resolver. Mais non porque non saibamos quen foron os asasinos, confirmados polo propio Pentágono, senón porque as continuas escusas do bando culpable por xustificar a acción non deixan de sorprender á infatigable loita da súa familia por facer xustiza.

Os militares que estaban o 8 de abril de 2003 no tanque que disparou apuntando ao hotel Palestina, aseguraron que houbo disparos dun francotirador dende o propio hotel, que foi un acto de defensa, logo un tiro reflexo. Xosé Couso, despois de ser ferido, dixo que fora o tanque.

Un vídeo gravado pola cadea de televisión
France 3 dende o hotel amosa como se move a torreta do tanque en dirección ao hotel, levanta o canón e agarda polo menos dous minutos antes de disparar.

Xunto a José Couso morreu tamén o cámara ucraniano de
Reuters Taras Protsyuk e outros tres xornalistas da axencia resultaron feridos.


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: