Xabier Vázquez Pumariño
Máis eólicas: principio do fin
Para que andar con contemplacións, longas explicacións ou disertacións politicamente correctas? Para que contemporizar? As cousas claras: chegar a poñer 6.500 MW de enerxía eólica co actual modelo nun territorio de 29.000 km² é unha salvaxada, unha desfeita sen precedentes, o pesadelo dunha mente febril e enferma.
Explicacións? Se alguén as precisa en detalle é que o tema non lle interesou nada ata agora mesmo e mellor que non lea esta columna, que comece por esta outra de hai xa un par de anos porque a cousa xa vén de antes. Para qué precisar detalles técnicos, sinalar outros modelos sostibles, etc. se, ao final, as respostas, sempre insultantemente simples, veñen a resumirse en: a) logo, os Parques Eólicos matan paxariños?, b) aos ecoloxistas non hai quen vos entenda, estades en contra de todo?, c) e logo ti non consumes electricidade? Qué prefires as centrais térmicas?. En definitiva, como apuntaba, comentarios simples, maniqueos, que o único que denotan é a pouca información e curiosidade ou a demagoxia de quen os emite.
Do actual modelo de producción de enerxía eólica só cabe dicir a estas alturas que é o perfecto exemplo de cómo unha boa idea é convertida polas corporacións enerxéticas en conivencia cos diferentes gobernos (ben por interese, ben por ignorancia) nunha idea perversa.
Centrándonos no país, os gobernos de Fraga, hai xa algo máis de 10 anos, abriron unha barra libre na que unhas elites se repartiron un millonario pastel cociñado cun ingrediente básico: ocupar algúns dos lugares máis valiosos do territorio galego con centrais eólicas, auténticas instalacións industriais dun forte impacto sobre o teritorio. Así asistimos ao dantesco espectáculo de ver desfeitos eses lugares de xeito irreversible sen que a boa parte da sociedade lle importe o máis mínimo. Como caso paradigmático de extrema gravidade compre citar a Serra do Xistral e os seus valiosos hábitats, os máis singulares que Galiza tiña no contexto ibérico. Daquela só o ecoloxismo tomou cartas no asunto apoiado, e é absolutamente fundamental lembralo mal que lle pese a máis de un, polo mundo nacionalista. Dende a súa óptica, Galiza xa era un territorio cunha producción eléctrica máis que suficiente pois exportaba a maioría da mesma, cuns impactos ambientais e sociais máis que coñecidos, e a enerxía eólica non era senón outra forma de destrucción do noso territorio.
O goberno xa non é do PP e a Consellería de Industria está ocupada polo BNG e sen mediar ningún tipo de debate (público) nin ofrecer ningunha explicación convincente preténdese chegar a instalar no país 6500 MW de enerxía eólica nun exercicio de irresponsabilidade sen precedentes na historia máis ou menos recente. Pero é que ademais non so é escandaloso que se vaia facer, senón o cómo se vai facer. A situación actual é que Galiza conta neste momento cunha potencia instalada próxima aos 2000 MW e a través dun decreto eólico ampliarase esa potencia nuns 2500 MW máis. O decreto eólico ven a dar por moi boa e satisfactoria a política do PP pois permite construír máis polígonos eólicos nas zonas que o PP destinou para elo, as chamadas zonas de reserva. A continuación aparece o novo Plano Eólico co que a potencia instalada se ampliaría nuns 2000 MW máis chegando ao obxectivo de 6.500 MW. Sen dúbida todo un récord, de desfeita. Quizais falar de números sexa un pouco abstracto e, en termo xerais, non nos fagamos unha idea real do que esto vai supoñer para o territorio galego: ben, baste dicir que calquera montaña, outeiro, monte, serra, resalte do terreo ou liña de costa vai ter as súas correspondentes centrais eólicas con algunha minúscula e anecdótica excepción polo que todo o país quedará convertido nun gran polígono industrial adicado á producción eléctrica por obra e gracia da Consellería de Industria. Claro que poden pensar que esta é unha visión esaxerada e pasional: para despexar dúbidas remítoos ao plano ofrecido na propia web do INEGA, dependente de dita Consellería.
O argumento máis escoitado a favor de estas dúas novas ofensivas eólicas é que vai servir, por fin, para o desenvolvemento do país o que me lembra poderosamente a D. Manuel Fraga cando hai anos lle preguntaron pola contaminación da ría de Pontevedra e el respondeu que ogallá todas as rías estiveran contaminadas pois iso significaría que había moita industria nas súas beiras. Un argumento capcioso, obviamente, pero que ten fondas raíces nun pobo subdesenvolvido como o galego onde o seu déficit máis importante non son xa a día de hoxe os cartos nin os postos de traballo senón a sensibilidade e o respecto polos demais, por un mesmo e a cultura.
Curiosamente, neste país, sempre se poñen de exemplo outros máis desenvolvidos e civilizados. Fálase de Dinamarca onde levan moitos anos de vantaxe na producción eólica e onde, loxicamente, ao ser pioneiros na mesma esta supuxo un gran impulso económico (venden tecnoloxía, compoñentes, equipos, etc.). O que non se conta de Dinamarca é que antes de embarcarse na enerxía eólica fixeron un gran esforzo tecnolóxico e de modificación de conductas tanto os cidadáns como as empresas e as administracións públicas de aforro, chegando xa ao principio da década dos 80, cunhas posibilidades tecnolóxicas menores ás existentes actualmente, a diminuír o consumo de enerxía nun 15 %. A comparación é simplemente bochornosa: nos estamos a incrementar vertixinosamente os consumos anualmente. Por outra banda, fagan cálculos e compárense o impacto territorial e social: Dinamarca ten instalados 3.136 MW, son cinco millóns e medio de habitantes e dispoñen de 43.000 km², Galiza terá 6.500 MW, somos uns dous millóns e tan só dispoñemos de 29.000 km².
A incoherencia é maior se temos en conta a belixerancia que existente fronte a outras fontes de producción eléctrica como as centrais hidroeléctricas; neste momento existe un ruxe-ruxe sobre a construcción de tal ou cal presa no Miño, no Sil, etc., e o lóxico é preguntarse por qué non centrais hidroeléctricas?, por qué si centrais eólicas?, por qué nos amamos os ríos e odiamos os montes?, foi por algún poema de Rosalía?... E postos a ir un pouco máis alá, por qué o Parlamento Galego rexeita a construcción de centrais eólicas no mar e non en terra? Son máis importantes ecoloxicamente, paisaxísticamente ou economicamente algún fondo mariño por aí diante que os montes? Por qué non no mar? E aínda podemos ir un pouco máis alá, se o que se trata é de producir electricidade a toda costa e acaparar inversión, por qué non apoiamos xa a construcción de centrais nucleares en Galicia? Ao fin e cabo ímolas precisar cando estean todos os AVEs funcionando pois os consumo eléctrico dun destes trens é similar a unha cidade de medio millón de habitantes. Non digan que non sabían este tipo de cuestións ou que non foron advertidos, acaso non teñen asesores?.
Os cambios que se van producir son tantos e de tal magnitude que non se trata xa so un problema ambiental e de xestión enerxética; cómo vai ser a cultura galega nas próximas décadas? Existirá? Imaxinan un Uxío Novoneyra ou un Manuel María eólicos? Brétemas do muiñeiro eólico?. Hai moita xente que ten que dicir cousas e non o fai, por exemplo o Consello da Cultura Galega de un bo feixe de intelectuais particularmente activos noutros ámbitos. E os medios de comunicación, en xeral, calados ou desviando o tema como unha mera pugna política PSdeG/BNG na sección de economía sen atender ás consecuencias de tal política. Neste senso, o Conselleiro Manuel Vázquez inhibirase ou fará cumprir a lei inda que lle chovan chuzos de punta no bipartito?.
Con todo, quizais, o máis incompresible de todo esto é ver importantes sectores do ecoloxismo galego ben calando ben sendo calculadamente ambiguos ante unha desfeita que coñecen perfectamente; seguidismo de Madrid?, só teñen importancia os ríos?; por qué? Eles saberán, pero baste apuntar que se ben hai unha boa e necesaria oposición ao plano acuícola, os obxectivos eólicos terá unha impacto 1000 veces maior. E a militancia nacionalista qué opina de esto? Cidadáns plenos e conscientes ou volubles seareiros?. O presidente Delano Roosevelt cando recibiu ao dictador Somoza dixo: “si, é un fillo de puta, pero é o noso fillo de puta”; son as grandes empresas galegas (de sempre) o noso dictador Somoza? É esta a filosofía agora?. De esquerdas á chinesa, é dicir, capitalismo salvaxe con estrelas vermellas?. Alguén sabe algunha cousa que os demais tamén deberamos coñecer?.
Por último, nun plano absolutamente persoal, o que máis doe é que non vou ter ningún país que ofrecer a miña filla, tan só un polígono industrial.
Comentarios (41)
¡Carallo! zoan as balas. Parabéns polo artigo
É para chorar, este país nom hai quen o entenda, marchou o PP e estamos a seguir as suas politicas mas pior ainda....que se pode fazer?
Xabier, grazas por non calar cando a peste fragiana nin agora. Cousas veredes...
Xabier, sinxelamente "Grazas" polo artigo. Mais dububido que nengún político che faga algún caso. Eles, coma ti ben sabes, estanche a outra cousa ben distinta. Nembargantes os lectores debemosche estar moi agradecidos por non calar e enfrontarte coas túas verdades a todo un poder estabelecido. Valente artigo sen dubida. Noraboa!.
Hai algumha indirecta que nom entendo:
"Daquela só o ecoloxismo tomou cartas no asunto apoiado, e é absolutamente fundamental lembralo mal que lle pese a máis de un, polo mundo nacionalista"
"seguidismo de Madrid?"
Poderia falar mais claro, por favor?
Desperta do teu sono, fogar de Breogan.
Estamos dormidos ou apapaostiados?, é boa verdade que mexan por nós e decimos que chove. Que alguen me diga que temos que facer?, eu xa nón o sei.
Esta todo claro e entendese ben, mais o último é o que me fai chorar. Qué pais lle vamos deixar aos nosos fillos?.
Parabéns polos artigos Xabier,eu tivén que ler ó outro.
Aquí queda isto:
http://frentepopulargalega.org...
Lavesedo, ao entrar nesa ligazón vexo que hai un xornal con aspas eléctricas. Unha pregunta, está probado eso de que San José opta ao concurso eolico e promove o xornal ese que pon a páxina da FPG?
Este é o link
http://frentepopulargalega.org...
Aquí esta Jacinto Rey -> Grupo San José -> A Nosa Terra
http://www.farodevigo.es/secci...
Eu vivo en Porto do Son e vexi de primeira man o que é unha desfeita eólica como a que acaban de pertetrar nas inmediacións do Monte Enxa. Por certo, non coñezo a ningún veciño que traballe alí.
Tamén teño que dicir que me parece escandaloso a actitude de boa parte do ecoloxismo galego, tan activo para outras cousas (o que se agradece), pero que neste tema da desfeita eólica están caladiños como petos.
De todos os xeitos, convén non desviar a atención sobre os verdadeiros esnaquizadores da terra que no asunto eólico non son outros que os membros do BNG, que non lle teñen nada que envexar aos do PP ou aos do PsdG (plan acuícola) na súa carreira por desnaturalizar Galicia para beneficio duns poucos.
BNG Traidores e Vendidos!!
Se a estratégia secreta é nacionalizar e socializar as grandes indústrias radicadas na Galiza depois de sermos umha das potências mundiais na produçom energética; estes "governantes" dissimulam-no muito bem.
Tranquil@s, o segredo está bem seguro, ninguém poderia acreditar no vosso plano de libertaçom nacional e social da Galiza disfarçado de submissom ao Capital.
Noraboa polo artigo, tes toda a razón do mundo. Deixovos dous enlaces que son moi ilustrativos ao respecto do que é a xestión do territorio, no caso de duas poboacións coa mesma poboación, unha; a opción levaba a cabo nun país fisterrán como a noso, e outra pois a marabillosa e moderna opción galega, vamos, como o do teleférico de Compostela.
¿Cal será en Galiza?
http://www.flickr.com/photos/n...
http://www.flickr.com/photos/9...
Avante a arquitectura de vangarda galega!
No artigo não se explica o mais importante que haveria que explicar: como e por que poluem os virandelos eólicos. E eu acho que não se explica porque simplemente é falso. Os moinhos esses não supõem agressão nenhuma contra o meio ambiente, não sendo que a sua instalação se faga num território "virgem", pois daquela pode-se interferir nessa virginidade ecosistêmica com a mera presência humana e a das suas construções. Não conheço a Serra do Xistral, e se é um espaço virgem, dessas características, então haverá que convertê-lo em Parque Natural Protegido. E não instalar moinhos, mas tãopouco qualquer outra cousa. Ora, eu a imensa maioria de moinhos que vejo ficam em montes "normais", no meio de tojais, pinheirais, penedos...onde os coelhos, raposos, mouchos minhatos etc, não são mais afectados do que já estão pola presência humana próxima (aldeias, cultivos, caminhos etc.). Então é que chegamos ao cerne da questão: a agressão natural principal da que se laiam os que são contrários aos eólicos é "á paisagem". Isto é, trata-se duma "desfeita estética". Pois discordo. Os moinhos são fermosos. São elegantísimos gigantes minimalistas de metal. A minha Galiza ideal sería uma continua carvalheira nas ladeiras dos montes, com lameiros e hortas nas chairas e toda cheia de moinhos nos cumes. Excepto nos Parques Naturais, onde só se deveria entrar com permissão e a pé.
Suso, penso que non colliches a idea que queria transmitir cos enlaces que puxen antes..., discordo contigo porque a nova instalación destes "elegantes minimalistas" supon un dano irreparable no entorno, iso non só merma a nosa calidade de vida, tamén merma unha fonte importante de cartos, o turismo. Non me opoño a instalación de muiños na Galiza, sempre e cando non sexa unha masificación, non se sobrexploten o territorio, e se faga con garantias, e nada diso se está a cumprir.
Galiza, ten máis que cuberta o seu gasto electrico, é que ao final, somos colonia electrica por decisión propia!, se é que temos o que queremos, eucaliptos? veña!, feismo? e qué!, muiños? homee, reganosa&ence? xa!, centrais hidroelectricas? porque non?, colonia española?, forever, eliminación do galego? e logo non?.
Preguntome, se tan beneficioso é a súa instalación masiva, porque Franza non está chea deles, porque Escocia non ten sobre os seus cumes unha masificación destes "elegantes minimalistas" ou en Suiza, porque?, en Noruega nos Fiordos?, ou incluso nos Cantís de Moher en Irlanda... se é que nos cremos os máis listos do mundo...
#15: Non só e paixasistica a agresión. Sábese que miles de aves morren polos golpes. Tamén está a apertura de pistas, erosión,... coa conseguinte alteración dos ecosistemas. Hai estudos ao respecto que demostran que non son inocuos, aínda que supoño que esta alteración non será química nin radioactiva.
Parabéns novamente.
Certo é.. o ecologismo galego está completamente orfão politicamente. Precisamos já um partido ecologista galego... uma Iniciativa, um Die Gruenen... algo!! este BNG (com a lógica da sua UPG) segue o caminho do PCCh. É o que tem o maoísmo. Porque não esqueçam que a conselharia de indústria é a conselharia raínha da UPG.
Ecologistas galegos, unamo-nos!
Xavier, magnífico como sempre
Suso, és um imbécil que "fai país" como A Coz de Alicia (Quin o analfabeto dixit)
1º) A Galiza costeira, e bem até o interior, tivo umha paisagem foi bela, mas já nom o é. Há anos que está muito degradada. E concordo com o Suso, em que os moinhos nom maculam a beleza "natural", em todo caso a melhoram.
2º) Na França nom há muita pouca energia eólica porque o lobby nuclear é muito forte, e nom quer competência.
http://www.lemonde...
3º) Escócia é umha das grandes potências eólicas,
http://en.wikipedia.org/wiki/W...
4º) É certo que há aves que morrem devido aos moinhos, mas há mais aves que morrem ao bater contra os cristais das janelas das casas.
http://www.awionline.org/pubs/...
Perdom polas várias gralhas da mensagem anterior. Corrijo-as:
1º) A Galiza costeira, e bem até o interior, tivo umha paisagem bela, mas já nom tem. Há anos que está muito degradada. E concordo com o Suso, em que os moinhos nom maculam a beleza "natural", em todo caso a melhoram.
2º) Na França nom há muita energia eólica porque o lobby nuclear é muito forte, e nom quer competência.
http://www.lemonde...
3º) Escócia é umha das grandes potências eólicas,
http://en.wikipedia.org/wiki/W...
4º) É certo que há aves que morrem devido aos moinhos, mas há mais aves que morrem ao bater contra os cristais das janelas das casas.
http://www.awionline.org/pubs/...
Muito interessante o artigo. Dá o que pensar, certamente. Ainda mais, olhando o mapa do INEGA cuja ligaçäo inclues no teu artigo.
Mas, quanto à suficiência energética, esse é um tema mais complexo, já que somos ao mesmo tempo - por essas manhas do capitalismo e da expoliaçäo - exportadores e importadores de energia. Gostaria, enfim, que em um pŕoximo artigo explicasses algumas alternativas social e ambientalmente sustentáveis para conseguir - sem ambiguidades - a autonomia energética.
Saúdos cordiais.
P.S.: É lamentável que, como se comenta no post nº 11, as instalaçöes actualmente existentes (e provavelmente essa mesma trilha será seguida pelas vindouras) näo procurem uma implicaçäo social no entorno em que exercem as suas lucrativas actividades.
Pois xa que isto vai de fotos, adiante.
1º)Penso que todos estamos a dicir o mesmo, non estamos opostos á enerxia eólica nin moito menos, estamos opostos á súa sobrexplotación, porque esta degrada gravemente o noso contorno, e a nosa calidade de vida.
Aqui unha mostra do feito na Serra da Capelada, un lugar virxe outrora, agora cheo de muiños eólicos con pistas que forman unha retícula por toda a serra, unha mostra do bon facer que temos aqui:
http://flickr.com/photos/terce...
2º)Quen discute iso?¿, esas fotos só amosan como coidamos o noso contorno os galegos, e como o fan en cambio os bretóns, repitoa:
http://www.flickr.com/photos/n...
http://www.flickr.com/photos/9...
3º)De novo, quen discute iso?¿, hai unha clara diferenza na xestión escocesa e na galega, na escocesa respetaronse os áreas ambientalmente máis importantes, polo seu valor paisaxístico, turistico, económico, e se queres incluso sentimental. Aqui iso non importou, colocaronme en moitisimas serras, algunhas tan interesantes como o Xistral, a Faladoira, na costa da Morte, no Monte Pindo, na Ribeira Sacra, etc.., se é que dá igual..
http://www.flickr.com/photos/a...
http://www.flickr.com/photos/5...
http://www.flickr.com/photos/a...
http://www.flickr.com/photos/a...
4º) O tema das aves parece non importarche moito..., - que morren?, bueno, tamén morren coas casas!, en fin ante esa aptitude non merece a pena dicir nada. Repito, non só é a morte das aves, ou o feismo, a masificación dos xeradores conleva cousas como estas en espazos protexidos:
http://www.flickr.com/photos/a...sizes/l/
Todo isto lembrame ao GALIZOMETRO de Air Galicia, hai aqui máis dun que sacaba o 100.
http://www.youtube.com/watch?v...
Eurico:
No teu cometário voltas ao mesmo argumento: que os eólicos são feios e estragam a paisagem. E isso é uma questão de apreciação estética, na que certamente não concordamos. Outra cousa é a das aves: haverá que estudar se é ceeto que muitas se esmagam contra os moinhos, e daquela evitar instalá-los em zonas onde existam ecosistemas avícolas de grande valor. Quanto as pistas, etc, voltamos ao que dicia: há que evitar os lugares de grande vaolor ecológico. E nos outros, pois facer as cousas bem. Que a Galiza esteja sobrada de energia...pois vale, daquela exportamos. Que as empresas que se beneficiam são "espanholas"...pois sim, igual que todas as outras...mas isso não é a questão que estamos a discutir.
Olha, os moinhos esses são os dignissimos herdeiros dos moinhos de vento de madeira ou pedra, sãa engenhosas formas de aproveitar a enrgia do vento. A mim não me molestam nada. Ora, é certo que não gostaria que os houvesse nos Ancares, ou no Jurés, ou se quadra no Xistral. A desfeita pisagística da Galiza está noutras realidades: no imenso eucaliptal que é toda a fachada atlântica, no feismo arquitectónico das nossas vilas...
Eu acho que o que acontece é que o ecologismo dos anos 80 idealizou as energias alternativas; na época daquelas pegatas de "Nuclear? Non graciñas" com aquela carinha de sol sorridente, em todos os idiomas do mundo, o movimento ecologista (que, seja dito, foi e continua a ser um importantíssimo elemento de câmbio positivo) encheu-se de pedir que se desenvolvessem as energias eólica e solar. Mas resultou que quem desenvolveu essas energias foram empresas, capitalistas, tecnócratas...e os ecologistas sentem-se estafados, porque eles estavam a pensar noutra cousa, numas idílicas granjas auto-suficientes cum moinhinho e um par de paneis solares, uma horta ecológica e um sistema económica baseado na troca...
Magnífico artigo. Todo iso xa o pensei eu, aínda que eu non escribo en ningún xornal nin son ninguén relevante. Pero eu xa me facía a pregunta de como alguén podía pensar que seguísemos a ser a primeira potencia eólica mundial (e lamentábanse de que íamos perder esa condición de "privilexio") tendo 29.000 kms cadrados. De verdade saberán o grande que é Alemaña, USA..., que evidentemente cando poñan eólicos en serio serán os primeiros produtores só pola superficie que poden dedicar a iso. Aquí teremos un eólico até no tellado de cada casa porque se non..., non sei como poderemos ter tanta potencia eólica.
Suscribo todo o que dis.
E téñoo claro: eu sí prefiro unha térmica máis que todos eses eólicos, porque pouco se ía notar no mundo. Non sei se saben algúns dos que aquí participan e máis os nosos dirixentes que en China cada semana ábrese unha térmica de carbón (que teñen moito) así que pouco podemos facer os galegos contra o cambio climático.
Un dos artigos máis aquelado que lin en Vieiros. Parabéns.
O certo é que dan ganas de de chorar.
Que pode facer un cidadán de a pé coma min?
Fe de erratas:
Máis eólicas: principio DA fin
Parabens polo artigo. Magnificamente explicado com poucas palavras.
Suso, na Galiza, já quase não fica nada virgem (nem sequer no colégios do Opus Dei), mas isso não implica que determinados espaços "desvirgados" não tenham o seu valor. Muitos ecosistemas têm valor com o homem inserido neles.
Muitos urbanitas, que não sabeis nem quereis saber, tedes uma visão da natureza estética, um jardim para ir de domingueiro e tirar quatro fotos. Mas os espaços naturais "cutres" onde segundo muitos de vós só há que tojos e bichos, são também ESPAÇOS PRODUTIVOS e os bichos movem-se no território, comem, e criam. Os eólicos, simplesmente pelos ultrasons que produzem, alteram gravemente o comportamento da fauna, e consequentemente os ecosistemas próximos.
Os moinhos poderiam ser belísimos, evidentemente. Os aerogenerador quase é secundário. O problema é as infraestruturas eléctricas e viárias que os rodeiam. Um parque eólico no cimo do Everest poderia ser belo, mas, como ficaria o Everest quando de fazer os caminhos para subirem os camiões especiais que vemos nas autovias?
O tema dos eólicos é bem mais complexo que se é espaço natural ou não.
Tão honrados são os do PP como os do BNG. Não se podem montar eólicos desde a óptica neoliberal de livre mercado, seja mais ou menos "intervencionista" a administração. Os eólicos devem de ser PLANIFICADOS numa REDE, na que se incluem os pontos de produção, de transporte da energia e de consumo.
Que a nossa energia se exporte a Madrid, é ABSURDO, além do colonialismo, polo simples facto de que as pérdidas de energia eléctrica no transporte são brutais. Irracionalismo total.
Entre o deixar fazer do fraguismo e a falta de ideia de país do BNG, imos caminho de ter as ilhas atlánticas de parque temático e a Galiza continental de escombreira deserta e caótica onde sobre as ruinas da agricultura em programas de "abandono voluntário" só há que plantações industriais de transgénicos e moinhos de vento.
RACIONALIDADE E PLANIFICAÇÃO são compatíveis com a ecologia.
PS: Diz piugo que se pode fazer. Nada mentras o povo tema aos governantes em vez de que os governantes temam ao povo.
No Courel van instalar a 1500 msnm, no Oribio, no camiño de Santiago, un parque eólicoo en plena rede natura, coroando a mellor fraga do camiño das estrelas. O Courel tamén está sendo arrasado por plantacións inmensas de piñeiros. 3 pizarreiras pecharon e mandaron á desfeita ao concellode quiroga, con trescentos traballadores na rúa despois de varios meses sen cobrar a nómina e sen paro. O Courel, sentímolo moito, vai cara atrás, o resto da Galiza non sei cara onde vai; creo que hai moito vendido ! quen nolo ía decir !
Racinalidade para distribuir as concessons às empresas amigas que serám agradecidas, é compatível com ecologistas que olhem para outra parte.
apaguemos os ordenadores e saiamos a defender a nosa terra... que mentres discutimos nestes fíos de debates un xerador eólico mesturase entre a fauna dos nosos montes... para a satisfación da seudoliberdade.
non sei se moitos ou alguén (des)coñecen o caso islandés do kárahnjúkar
http://www.flickr.com/groups/k...
a bestialidade deste proxecto xustificado co noso progreso, alcoa esa empresa norteamericana da metalúrxia intalouse nse paraíso e mentres espolia un dos poucos recunchos virxes do noso planeta para a estración de aluminio. recordemos a minima acción que fagamos de demanda de bens de consumo repercute directamente no noso entorno... que non nos estrañe que dntro de pouco en cuestión de un par de lustros empecen a estraelo petroleo do ártico... xa que os anacos dos pasteis xa se están a discutir na actualidade.
podes camiñar ainda que chegues máis tarde, deberíamos empezar a praticar unha vida máis tranquila e a modiño tendo en consideración sobre as nosas accións máis inmediatas ata donde poden repercutir no tempo máis remoto do futuro do noso entorno
xa sei que o fio da conversa que había era sobre as cntrais eólicas do noso país pero a obviedade non merece máis debate e precisa de máis acción na sociedade e implicación o tmpo das discusións sa remataron e deberiase empezar a loitar polo noso.
deixovos un texto de chomsky e que cada un pense o que lle pete:
("Hegemony or survival", páxina 203 da edición en castelán de "Ediciones B")
"[...] O que nos queda da democracia é basicamente o dereito a escoller entre productos. Os líderes financieiros xa explicaron tempo atrás a necesidade de impor a poboación unha > e unha >, para >. Asediada dende a infancia por esta propaganda, a xente pode tender a aceptar unhas vidas subordinadas e sen sentido... [..]"
extendinme demasiado.
poño de novo o texto que eliminaronse partes do mesmo:
("Hegemony or survival", páxina 203 da edición en castelán de "Ediciones B")
"[...] O que nos queda da democracia é basicamente o dereito a escoller entre productos. Os líderes financieiros xa explicaron tempo atrás a necesidade de impor a poboación unha "filosofía da futilidade" e unha falta de propósito na vida", para concentrala atención humana sobre as cousas máis superficiais entre elas o consumo moderno". Asediada dende a infancia por esta propaganda, a xente pode tender a aceptar unhas vidas subordinadas e sen sentido... [..]"
Moi bo artigo.
Fas ben en sinalar o silencios cúmprices nesta desfeita.
Outro tanto ocorre con Reganosa...
Nesta ligazón podereves ver a desfeita que provocaron os parques eólicos que instalaron entre os concellos do Boiro e Porto do Son nas inmediacións da Enxa. Un día destes subireivos tamén o son dos muiños para que vexades o enorme impacto acústico que hai que sumar a todos os demais efectos negativos que están ocasionando a instalación masiva de aeroxeneradores:
http://freefilehosting.net/dow...
Nesta outra ligazón poderedes ver algúns exemplares de aves que pasaron entre os muiños. Neste caso as fotos non son miñas:
http://alacant.wordpress.com/2...
Que nun país como Galicia, excedente en electricidade, se esté a perpetrar semellante atentado ecolóxico, coa complicidade de políticos, medios de comunicación e boa parte do ecoloxismo galego, non ten perdón.
Hai un dito que afirma que todo o mundo ten un prezo. Non me cabe dúbida ningunha de que é certo. Eu entendo que todo o mundo ten que vivir, sacar aos fillos adiante, mercar un coche e todo iso, pero facelo a costa de ser cómplices, por acción ou omisión, da destrución do noso patrimonio natural non está ben.
Pois nun plano absolutamente persoal, acaso por eso, tua filla vai poder estudar, traballar e vivir o mais dignamente posible dende hai moitos séculos neste país, sen necesidade de emigrar, admitindo que sempre se pode dialogar e tratar de mellorar as cousas.
Canta razón tes pelourinho, no Courel grazas ao Parque eólico do Oribio, vanse poder empregar os trescentos traballadores parados polo peche ruinoso de tres pizarreiras na Serra. Saltos de auga, eucaliptos, piscifactorias, canteiras,.... a primeira potencia europea en desfeitas, ... a emigración sen fin. Galiza a cola económica do Estado. Pero coa escusa do atraso crónico, aínda se pode xustificar a últina desfeita intelixente: "todos a vivir do aire". E Madrid co 40% do territorio protexido, je je je
O problema medioambiental é un problema global, non un problema de Galiza ou de España ou de calquera outro lugar concreto.
Desgraciadamente o mundo está dividido en estados capitalistas que compiten entre eles sen ter en conta o medio ambiente.
No caso do estado español, hai territorios, como Madrid ou Euskadi que son incapaces de producir unha mínima parte da enerxía que producen. Hai outros como Galiza, Asturias ou Castela León que producen moita máis da que consumen e que a cambio non reciben compensación algunha. A realidade é que estos territorios son e foron durante toda a súa historia gobernados por partidos que nin se propoñen compensar a estos territorios productores de enerxía.
De todo isto dedúcese que estos territorios productores de enerxía aniquilan o seu medio ambiente, coa conivencia dos seus concidadáns, para que outros territorios desenvólvanse industrialmente á súa costa.
Dun xeito similar, o estado español está organizado de tal maneira que as únicas infraestructuras de comunicación que financia son as que van dar directamente á súa capital. Poderíase dicir que as infraestructuras que patrocina o estado están destinadas a fomentar o desenvolvemento da capital en troques do que o rodea.
Tendo en conta que ós galegos esta situación dálles completamente igual, polo sentido do seu voto, pois mellor dar pulo á enerxía eólica en vez de á térmica ou á nuclear.
#39
Claro, é assim que funciona o "povo galego", povo do território colonial, onde as elites locais (incluida a dos intelectuais) partilham os mesmos interesses asobalhadores das elites espanholas, aliás, formam parte das ditas elites ...
"Tendo en conta que ós galegos esta situación dálles completamente igual, polo sentido do seu voto, pois mellor dar pulo á enerxía eólica en vez de á térmica ou á nuclear."
Raçoamento moi "galego" (eu prefiro dizer galenhol) e que se espelha também na polémica da "questione della lingua": já que aos galegos tanto lhes dá o galego, melhor darmos pulo ao galenhol do aceitarmos o domínio absoluto do castelhano ...
Contra os virandelos e polo Galitren, carallo.
http://www.facebook.com/group....
Vén de se constituír 'Amigos do Galitren', o primeiro grupo aberto de Facebook en prol dunha rede ferroviaria propiamente galega. Pretende ser un espazo informativo e de discusión verbo do tren en Galiza. Ao ser un grupo aberto, calquera usuario de Facebook pode subscribirse ao grupo
Novo comentario
Se xa tes o teu nome en Vieiros, podes acceder dende aquí:
Naceu en Lugo e vive en Santiago de Compostela. Biólogo, traballa coma consultor ambiental e leva máis de vinte anos vencellado ao movemento ecoloxista. »
Anteriores...
- Algunhas papeletas verdes (09/03/2009)
- Atila en Galiza (20/05/2008)
- E onde estaba vostede? (20/02/2008)
- O Lobo: déjà vu de outono (21/01/2008)
- Territorio: din que onde vivimos importa (14/12/2007)
- Cando o tamaño importa (10/08/2007)
- Gz 1957 / Mundo 2007 (01/06/2007)
- Cambio climático, en serio? (14/05/2007)
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto