As institucións públicas e as organizacións políticas, sindicais, empresariais e sociais abaixo relacionadas, con ausencia do Partido
Poular, en representación dos afectados polo accidente do "Discoverer
Enterprise" contra a ponte das Pías na noite do pasado día
13 de xaneiro de 1998, esixen:
1. Declaración de zona de emerxencia ou catastrófica para
toda a comarca de Ferrolterra.
2. Inmediata construcción da Autovía Fene-Ferrol na súa
totalidade.
3. Urxente construcción dunha ponte de catro carrís sobre
a ría de Ferrol contemplando un novo trazado coa "Solución
Ronda Oeste de Desconxestión" no Concello de Fene, e atendendo
aos estudos sobre correntes mariñas en beneficio da riqueza marisqueira.
4. Solución provisoria para a circulación viaria polas Pías
e sen retrasar a definitiva.
5. Elaboración dun plan de emerxencia sanitaria.
6. Rehabilitación inmediata de todos os servizos afectados.
7. Fortalecemento dos servizos de transporte colectivo, especialmente dos
ferroviarios e marítimos.
8. Cobertura económica institucional.
9. Nomeamento dun interlocutor autorizado que coordine connosco todas as
accións.
10. Axilización das xestións administrativo-aconómicas
através dunha "ventanilla única".
11. Avaliación das perdas económicas no tecido empresarial,
institucional, e de calquera persoa física ou xurídica afectada,
para a súa compensación futura.
12. Que as accións anteriores non sexan só específicas
para este caso senón que servan de pulo para o relanzamento económico
de Ferrolterra, satisfacendo reinvidicacións e débedas históricas.
Ferrol,15 de xaneiro de 1998
Asinado por
Concellos: Ares, Cabanas, Fene, Mugardos, Narón, Neda e Pontedeume
Sindicatos: CIG, CCOO, UGT e USO
Asociación de Empresarios de Ferrolterra e Unión de Empresarios
de Ferrol
Partídos políticos: BNG, EU-EG, IF, IU e PSdG-PSOE.
|