 | |
|
| - Vieiros: Ola a todos e todas e benvidos ao chat organizado por Vieiros e El Correo Gallego. Hoxe temos connosco a Xurxo de Vivero, candidato de EdeG/Os Verdes por Lugo. - Vieiros: Agardamos un anaco a que chegue máis xente... e tamén o moderador... - Moncho: Xa teño gañas de preguntar... :-DDD - Vieiros: Agardade un segundo, que o moderador acaba de espertar da sesta... :-) - Vieiros: Creo que podemos comezar por saúdar ao candidato... - cona: sodes uns Darios - Vieiros: ola - Moncho: Ola!!! - cona: Hola Rocio que hai de novo ? - moderador: ola a todos - moderador: boas tardes - moderador: empezamos aquí o chat co candidato de EG á alcaldía de Lugo... - Tagen: A ver Moderador, que horas son estas - moderador: Xurxo de Vivero - moderador: Perdón pola demora - moderador: Señor candidato... - moderador: Pensa que a súa formación acadará... - moderador: algún concelleiro? - x_vivero: Por suposto. E máis de un. Outra. - moderador: A súa formación manexa algunha enquisa? - moderador: propia? - x_vivero: Non temos equisas propias, o que si estamos a seguir tódolos días o pulso da rúa... - x_vivero: porque a nosa campaña baséase precisamente en eso e atopamos que hai moi boas perspectivas. Outra. - moderador: vai agora vieiros - Vieiros: O sector da esquerda está bastante disputado en Lugo. Que é o que vos diferencia a vós de formacións coma o BNG ou a mesma IU-EU? - x_vivero: Hai unha cuestión que nos diferencia claramente... - x_vivero: A nosa é a única forza que une a esquerda renovada e aberta cós ecoloxistas políticos, que somos os verdes... - x_vivero: A unión destas dúas forzas é a que está a triunfar en moitos paises de Europa... - x_vivero: como Francia, Alemania ou Italia. - x_vivero: Outra. - moderador: vai vieiros de novo - Vieiros: Pero alí son independentes e logo alíanse coa socialdemocracia máis poderosa... - Dario: ? - Vieiros: Que programa aportades vós á parte do ecoloxismo? - x_vivero: Tanto Esquerda de Galicia como Os Verdes de Galicia somos forzas independentes... - Tagen: ? - x_vivero: Aparte do ecoloxismo hai todo un programa políitco e social, por exemplo, un dos eixos do noso programa... - x_vivero: é abri-lo concello ós cidadáns. O tema do emprego é tamén unha cuestión tratada polo miúdo no programa, igual que a xuventude e outros. Outra. - moderador: vai dario - Dario: ¿Cal é o seu proxecto para a conservación do inmenso patrimonio arqueolóxico e histórico da cidade, esquecido durante tantos anos e en condicións de conservación tan tristes? - x_vivero: O proxecto para a conservación arqueolóxica, propoñemos que a meirande parte dos restos arqueolóxicos se conserven in situ e que servan como atractivo turístico para a cidade... - x_vivero: e como unha lección de historia viva para os mesmos lugueses. En canto ó patrimonio histórico, nos propoñemos salvar todos aqueles edificios singulares que o goberno pasado do PP aínda deixou en pé, que non son moitos. - x_vivero: Outra. - moderador: vai tagen - vlugo: ? - Tagen: Que lles fai a vostedes coincidir mais con EG (ou co PSOE, como se veu no 97) que co BNG? - x_vivero: Os Verdes sempre fumos partidarios de buscar unha alianza o máis ampla posible das forzas progresistas... - x_vivero: e non se nos pode achacar a nós que outras forzas coma o Bloque non se sumen a esa ampla alianza de forzas progresistas de Galicia. Outra. - moderador: vai v-lugo - vlugo: Un dos logros máis importantes do actual goberno do PP están a ser as actuacións no Medio AMbiente, co Parque do Miño. ¿Que opinión lle merece? - x_vivero: Toda a idea que ten o PP sobre o medio ambiente é crear un parque como o do Miño... - x_vivero: con eso xa creen que son moi ecoloxistas, pero mentres fan este parque, deixan que o río se degrade... - x_vivero: que se curten as carballeiras das beiras e deixan estragar a campiña luguesa. O Parque do Miño concretamente parécenos unha boa obra. Outra. - moderador: señor candidato, que porcentaxe do presuposto do concello cre que debería ser dedicado a mellora-lo ambiente? - Dario: ? - x_vivero: Dicir números é arriscado. Dende logo, sustancialmente maior do que se adica agora. Hai que ter en conta que o ambiente é todo. Mellora-lo ambiente é mellora-lo tráfico e en resumidas contas é mellora-la cidade. Outra. - moderador: vai dario - Dario: ¿Que actuacións concretas sobre o medio ambiente recolle o seu programa? - Moncho: ? - x_vivero: Imos dicir só algunhas... - x_vivero: Loita contra a contaminación acústica e máis concretamente contra o ruído causado polas motos a escape libre... - x_vivero: 2.- Creación, dunha vez, do Parque dos Paxariños... - x_vivero: 3.- Saíndo un pouco da cidade, a creación dunhas rede de pequenas reservas biolóxicas no entorno rural de Lugo, que se complemente como rutas turísticas coa visita do Lugo arqueolóxico e urbano e que deste xeito potencien a economía da cidade... - x_vivero: 4.- Que o Concello promova unha loita contra a contaminación por chumbo da auga, que parece alta en moitos sitios da cidade e que se pensa que ven da vella rede de abastecemento dalgúns edificios. A contaminación por chumbo (plomo) é acumulativa e pode causar graves prexuízos á saúde. Podemos deixalo nestas catro a modo de exemplo. Outra. - moderador: agora vai moncho - Moncho: O poder adquisitivo das familias de Lugo é un ods máis baixos de Galicia e de España, o que leva a un deficit... - Moncho: de vivendas asequibles a estas familias... - Moncho: que solución aporta a estas familias que viven en condicións difíciles? - x_vivero: Ese é un dos temas non directamente ecolóxicos que nos preocupan fondamente e que Esquerda de Galicia e o seu representante no Concello, Anselmo Sampedro, loitou moito por el no anterior mandato... - x_vivero: Lembro un caso que tivo moita repercusión, como foi o apoio e a solución que lle deu Esquerda de Galicia ó caso dunha anciana na avenida de Madrid que iba ser botada da súa casa sen ningunha compensación... - Dario: ? - x_vivero: Para este mandato, temos un plan de creación de mil vivendas sociais que son absolutamente necesarias en Lugo, na cidade. Outra. - moderador: ¿que ideas concretas e factibles ten o seu partido para mellora-la dramática evolución demográfica de Lugo? - x_vivero: O primeiro que hai que facer para iso é que a xente nova non deixe o Concello... - x_vivero: por mor de non ter emprego. Hai que facer unha cidade viva, atractiva para a xente nova, con empregos que poden ser creados por moitos medios, atraendo industrias limpas e ecolóxicas... - x_vivero: con empregos directamente sacados da ecoloxía e o medio ambiente, e por outro lado tamén hai que loitar contra a precariedade no traballo, porque ninguén que sexa responsable se arrisca a ter fillos sen ter unha estabilidade laboral... - Tonia: ? - x_vivero: En Estados Unidos e en Alemania, a creación de emprego en empresas relacionadas directa ou indirectamente co medio ambiente é a fonte máis importante de creación de emprego e supera incluso á industria automovilística. Outra. - moderador: vai dario - Dario: ¿Que medidas establecería o seu partido para a colaboración cos concellos dos arredores, para vertebrar o interior da provincia? Servicos comúns, proxectos.. - Dario: (servicios, perdón) - x_vivero: Esta é unha cuestión moi importante, porque non podemos entende-lo concello como algo illado. Por poñer un exemplo... - x_vivero: de pouco vale que o Concello de Lugo se preocupe de te-lo río Miño pouco contaminado se o Concello de Rábade, augas arriba, fai verquidos contaminantes. Xa que logo, é imprescindible fomentar o intercambio de información e a colaboración con tódolos concellos dos arredores. Outra. - moderador: vai tonia - Tonia: Quixera saber se vostede vai impulsar desde o Concello a oferta de servicios ós cidadáns e cidadás desde a Internet - Moncho: ? - x_vivero: Por suposto. Hai que ter en conta que os ecoloxistas somos ferventes defensores de Internet, que é un medio de comunicación absolutamente limpo e non contaminante, e estamos seguros que este é o futuro... - x_vivero: Se queremos que Lugo sexa unha cidade para o século XXI a potenciación de Internet é algo prioritario. Outra. - Tonia: ? - moderador: vai moncho - Moncho: Lugo ten outra débeda histórica en canto a número de camas hospitalarias por habitante, e unha implantación cativa da Atención Primaria (menciña preventiva)? - x_vivero: O tema da mediciña que afectan máis fondamente a calquer veciño e o home en xeral e polo tanto é un tema ó que temos que dedicar moita atención... - Dario: ? - x_vivero: con respecto á atención primária, nos defendemos unha mediciña máis persoalizada e que non se limite a ser un frío mercado de mediciñas senón que atenda ó paciente dun xeito individual. En Lugo é absolutamente necesario un novo Hospital, en eso estamos de acordo tódolos partidos, pero o PP quere montalo no sitio menos axeitado, nos terreos de Sanfiz, mentras que Esquerda de Galicia - Os Verdes sempre defendimos que o sitio en que tiña - moderador: Ola Pelouro, benvido ó chat con Xurxo de Vivero - x_vivero: Parece que esto se colgou un momento... - x_vivero: Podería repetir o moderador a última pregunta? - moderador: era sobre os hospitais... - moderador: e o ratio de cama por habitante... - moderador: ademais da escaseza na atencion primaria - moderador: en Lugo - x_vivero: Perdón. Posiblemente a resposta estaba a ser moi longa... - moderador: xa tiña un anaco contestado - x_vivero: Remataba dicindo que tódolos partidos estamos de acordo en facer un novo hospital, pero o PP quere facelo no sitio menos axeitado, en Sanfiz... - x_vivero: cando ese hospital debe construirse nas Gándaras por todo tipo de razóns. Outra. - moderador: agora vai Tania - moderador: peron, Tonia - Tonia: Si, a Internet é ecolóxica, pero para que funcione fai falta electricidade. ¿Chegaría con enerxía solar e eólica? ¿Qué se faría a curto prazo na cidade? - x_vivero: En Galicia sobra electricidade... - x_vivero: sen necesidade de aumentar estas fontes de enerxía... - Vieiros: ? - x_vivero: Con respecto á enerxía solar e eólica, Os Verdes e Esquerda de Galicia defendemo-la súa aplicación, pero non dun xeito... - x_vivero: indiscriminado, como se está a facer agora... - x_vivero: temos o exemplo de parques eólicos, como o previsto para a Serra do Xistral, que está a destruir un ecosistema dos máis valiosos de Galicia. Outra. - moderador: Turno para darío - Dario: Moitas estradas da cidade (do interior da cidade) son verdadeiros patatais. A nivel de infraestructuras viarias, que se pode facer para melloralas e incrementalas sen causar dano ó contorno urbano nin contaminar de máis (o caso que citaba antes do ruído)? - x_vivero: AS rúas do interior teñen que ser unhas rúas dignas... - x_vivero: non aumenta a contaminación, máis ben ó contrario, o andar por unha rúa ben asfaltada que por unha chea de baches ou lama... - x_vivero: Para loitar contra a contaminación dos automóviles o que hai que facer é apoiar e mellora-lo transporte público... - x_vivero: e facelo atractivo ós cidadáns. Outra. - moderador: agora Vieiros - Vieiros: Falabamos antes da enerxía eléctrica? Que faría contra a explotación de recursos (de caracter totalmente colonial) que están a facer aquí as eléctricas? Que faría contra iso? - x_vivero: Contesto, aínda que non se trata de medidas municipais... - Moncho: ? - x_vivero: É certo que Galicia e xa que logo, Lugo, están a sufrir un tratamento de país terceiromundista explotando fortes de enerxía (a eléctrica, por exemplo) sen que cheguen os beneficios que lle corresponden.... - x_vivero: Outro síntoma de ese tratamento terceiromundista e a eucaliptización de Galicia... - x_vivero: e, relacionado coa enerxía, hai que seguir a loitar contra os grandes pantanos que ameazan o país, coma pode ser o previsto no Umia. Outra. - moderador: O mais importante, segundo vostede, é o medio ambiente...., que ademais, segundo di, xeraría emprego... pero en ningún caso estaría disposto a cambiar medio ambiente por postos de traballo - x_vivero: Esa contraposición medio ambiente / posto de traballo non é aceptable hoxendía... - x_vivero: Se se dera o caso de que se creara un posto de traballo e se estragara o medio ambiente, cousa moi improbable... - x_vivero: pode estar seguro que por ese posto de traballo creado se perderían catro ou cinco máis. Hai varios exemplos disto. Outra. - moderador: vai moncho - Dario: ? - Moncho: O plan, SOGAMA que tanto alaba o PP, ¿Por que os ecoloxistas non coinciden con esta idea? - x_vivero: O plano SOGAMA non é ecolóxico, como di a Xunta, senón fondamente antiecolóxico, xa que está baseado na incineración... - x_vivero: non elimina o lixo, senón que o espalla por todo o aire e, por exemplo, xa que está de triste actualidade, un dos principais... - x_vivero: productores de dioxinas é a incineración de certos productos como o PVC... - x_vivero: En Francia detectouse dioxinas no leite das vacas que estaban perto dalgunhas centrais incineradores.. - moderador: Ola, V-Vigo, benvido ó chat con Xurxo de Vivero - x_vivero: se eso pasa en Galicia pode ser un golpe de morte para o sector gandeiro e leiteiro. Outra - V-Vigo: Ola - moderador: vai dario - Dario: A muralla de lugo é o símbolo da cidade. Diversos colectivos estiveron a realizar actos para reivindicala como Patrimonio da Humanidade, proceso xa en marcha. ¿Como ve as posibilidades? ¿No caso de conseguilo, como se pode potenciar o seu coñecemento exterior e a súa rendabilidade para o turismo? - x_vivero: A Muralla é o gran símbolo de Lugo, xunto co río Miño... - x_vivero: Esquerda de Galicia - Os Verdes pensa que unha Muralla romana conservada en todo e seu perímetro coma a de Lugo... - x_vivero: ten que ser declarada Patrimonio da Humanidade. Esta declaración potenciaría moitísimo as posibilidades turísticas da cidade... - x_vivero: pero habería que acompañar este feito con outras melloras a cidade e no seu entorno. Outra. - moderador: Para xestionar un concello fan falta moitos técnicos, nopn só de medio ambiente..... - moderador: Ten o seu partido expertos, por exemplo.... - moderador: en asuntos económicos? - x_vivero: É certo. O noso partido, Esquerda de Galicia - Os Verdes leva varios destes expertos na súa candidatura e ten contactos con outros máis que estarían dispostos a colaborar con nós en canto entremos no Concello... - Tonia: ? - x_vivero: Efectivamente, é algo moi importante que xa tivemos en conta. Outra. - moderador: vai tonia - Tonia: ¿Que opina de deixa-los centros urbanos sen coches? - x_vivero: Somos partidarios claros da peatonalización, de recupera-la cidade para a xente, pero unha peatonalización se máis pode chegar a ser negativa... - Dario: ? - x_vivero: as zonas peatonais teñen que ser zonas atractivas, dinámicas, e o Concello ten que tomar parte activa en facelas vivas e mesmo con dinamismo económico. Outra. - moderador: vai dario - Dario: En Lugo fálase moito do centro histórico. Sen embargo, o goberno do PP deixou moi á marxe os barrios da periferia, que están deixados da man de Deus. Qué medidas tomaría o seu partido de gañar as eleccións? - x_vivero: Un dos nosos puntos básicos é o reequilibrio da cidade... - x_vivero: Unha cidade que ten o centro moi arranxado pero que ten, como lle pasa a Lugo barrios totalmente esquecidos, é unha cidade antiecolóxica... - Moncho: ? - x_vivero: A ecoloxía, o medio ambiente, son dereitos de tódolos cidadáns, non son ningún luxo, polo tanto nós adicaremos unha especial atención ós barrios para que pouco a pouco cheguen a ter o mesmo nivel de calidade... - x_vivero: de vida que o centro da cidade. Outra. - moderador: vai moncho - Moncho: A cea de Olga, nace como un proxecto urbanístico modélico... - Moncho: que desgraciadamente coa súa modificación pola corporaciópn coa maioría do PP... - Moncho: pasará a ser unha urbanización máis... como Carerro Blanco... ¿Cal é a súa opinión? - x_vivero: Efectivamente, isto é así i é unha mostra de que a cidade, có goberno do PP está en mans dos constructores... - x_vivero: que pouco a pouco foron apoderándose dese plano que no seu inicio era, se non modélico, bastante aceptable, e fóronlle dando máis alturas ós edificios... - x_vivero: foron collendo máis zonas para a construcción, se foron cortando carballeiras, en definitiva, foron estragando un barrio que tiña moitas posibilidades... - x_vivero: O caso de Carrero Blanco é o vivo exemplo do que non ten que ser unha cidade. Outra. - moderador: algunha pregunta mais? - moderador: Señor candidato, unha última observación? - x_vivero: Dicir nada máis que Esquerda de Galicia - Os Verdes vai estar presente no novo goberno plural que vai ter Lugo no próximo mandato... - x_vivero: e que faremos todo o posible para que os lugueses volvan senti-lo orgullo e a satisfacción de ser desta cidade... - x_vivero: Moitas gracias por esta oportunidade... - x_vivero: que a través dun medio tan fascinante coma Internet se lle brindou a Esquerda de Galicia - Os Verdes. - moderador: Dámoslle-las gracias a Xurxo de Vivero e despedímonos del e de tódolos internautas en nome de El Correo Gallego / O Correo e Vieiros - moderador: Antes de marchar, indicámosvos que haberá un novo chat... - Vieiros: Lembrámosvos que ás 22.30 desta noite haberá outro chat con Xaime Bello, candidato do BNG en Ferrol - moderador: ás 22.30 horas ... - moderador: con Xaime Bello, candidato do BNG... - moderador: á alcaldía de Ferrol. - moderador: Adeus |
Volver