Un dominio para a nosa cultura

Hai uns meses os cataláns lograron por primeira vez que un espazo cultural acadase un dominio á marxe das fronteiras dos Estados. Logo deste precedente, que queremos facer nós? O goberno galego xa manifestou a súa opinión de apoiar a demanda dunha comunidade cultural e internauta que vén reclamando un dominio galego dende hai xa moito tempo. Que se está a facer noutras partes do mundo? Que teríamos que facer os galegos para conseguilo?

O PRESIDENTE DESTACA A IMPORTANCIA DE "ACADAR UN DOMINIO PROPIO"
A plataforma PuntoGal xa conta co apoio de Touriño

[24/02/2007 16:05] Na procura dun dominio propio para a cultura galega a plataforma PuntoGal segue a recoller apoios e sinaturas. Esta semana foi o presidente da Xunta de Galicia, Emilio Pérez Touriño, o que se reuniu cos responsábeis da iniciativa, que lle transmitiron as medidas que se están a tomar con vistas á proposta da candidatura galega perante o ICANN, o organismo mundial que xestiona a entrega de dominios e que se reunirá a finais de marzo en Lisboa.

Xa está activo o dominio .mobi

[27/09/2006 12:10] Desde esta semana é posíbel rexistrar calquera web co sufixo .mobi, un dominio que a ICANN autorizou o mes de novembro do ano pasado e que desde xuño xa se podía empregar, aínda que só por marcas rexistradas.

Detectan unha fraude que lles afecta a 74 mil enderezos .eu

[26/07/2006 13:45] Os dous millóns de enderezos que xa suma o dominio .eu son exemplo do espectacular éxito conseguido pola iniciativa que poucos meses de funcionamento xa superou amplamente as previsións realizadas para o seu primeiro ano. Na inercia dese triunfo da proposta dun nome de dominio europeo na rede, un elevado número de empresas rexistradoras estaban aproveitando para tratar de ampliar negocio, amarrando nomes que despois trataban de revenderlles a empresas a prezos máis elevados.

Arrinca o Festi.gal coa presentación da campaña polo dominio galego

[24/07/2006 09:47] A asociación promotora da iniciativa polo dominio galego na rede, Puntogal, presenta este 24 de xullo a campaña comezanso así a programación do Festigal, que se desenvolverá no Campus Sur, en Santiago de Compostela. Manolo González, presidente de PuntoGal, e Camilo Regueiro, vicepresidente, serán os encargados de explicar os obxectivos desta campaña o vindeiro luns ás 13:00 horas.

Navegando a rede .cat

[10/07/2006 14:43] Hai unhas semanas que apareceu na rede o dominio Googlecat.com, que aproveita a imaxe do coñecido motor de busca para presentar unha ferramenta de procura nas webs en lingua catalá. Pola súa banda, Google dispón xa dunha versión en catalán, e rexistrou xa o enderezo Google.cat, que aínda non está operativo. Agora vén de aparecer tamén Xarxacat.cat, buscador de webs baixo o dominio .cat que fedella nun volume de máis de 430 mil páxinas acollidas baixo o nome de dominio para a lingua e a cultura catalá.

O .eu suma dous millóns de enderezos

[05/07/2006 11:48] En apenas tres meses tramitando os dominios co sufixo .eu desde que se abriu o rexistro a todos os cidadáns que o soliciten, na entidade xestora, Eurid case non dan feito co éxito da iniciativa e os milleiros de peticións diarias. "Estamos impresionados coas cifras", recoñece Marc Van Wesemael, director xeral do organismo. No momento de escribirmos estas cifras son xa un total de 2.007.281 enderezos, entre eles e como xa lles contamos, os dos principais concellos galegos.

» Anxo Louzao: "O punto gal sería un sinal de normalidade"

[30/06/2006 14:42]

» A Bretaña apoia oficialmente o ".bzh"

[26/06/2006 11:41]

» Xosé Ramón Barreiro: "O punto gal outorga un suplemento de calidade"

[15/06/2006 17:08]

» Pedro Silva: "O dominio galego pode servir para que chegue a conciencia do noso"

[13/06/2006 17:58]

» A Asociación PuntoGal presentouse na Real Academia

[13/06/2006 17:38]

» Rosa Aneiros: "Un dominio galego para dar voz á nosa cultura diferenciada nun mundo globalizado"

[08/06/2006 17:12]