Esta primeiro grupo de traballo do congreso "A lingua das Cantigas
- Congreso da lírica medieval galego-portuguesa na rede"
pretende afondar, con rigor e disciplina, pero tamén con toda
a liberdade en canto ás opinións expresadas, ó
marabilloso mundo do nacemento e conformación da lingua galega
no peíodo concreto que vai desde o século XII ata os
primeiros anos do XV.
Analizar tódolos procesos fonéticos, léxicos,
morfolóxicos e sintácticos desta lingua primeira
é o obxectivo básico deste seminario que está
aberto ás colaboracións e ponencias de tódolos
especialistas e interesados na lírica galego-portuguesa.
Para envia-las súas colaboracións a este seminario
deberá segui-las seguintes normas:
- A recepción de traballos estará aberta desde o
día 1 de maio ata o 12 do mesmo mes.
- Os traballos deberán ser enviados ó enderezo
galego-org@vieiros.com
,preferiblemento en formato RTF, WP 6.0 ou calquera tratamento de
texto Macintosh, coa indicación "Lingua:" no seu
título.
- As ponencias han ter unha extensión máxima de
5000 caracteres.
- "A lingua das cantigas" ten como idioma oficial do seu
congreso o galego e portugués, aínda que acepta,
igualmente, aqueles outros idiomas que poidan ser intercomprensibles
para tódolos asistentes ó Congreso. De igual maneira,
galego.org está aberto á recepción de documentos
en tódalas variedades normativas aínda que o seu
Comité organizador opta pola aprobada oficialmente en 1982
pola Xunta de Galicia e a Real Academia Galega.
- As ponencias enviadas ó Congreso han aparecer en
liña a partir do día 15 de maio segundo se dará
conta na portada inicial do Congreso.
|
