Chat con XESÚS DÍAZ

Xesús Díaz é o secretario xeral de Xuventudes Socialistas de Galicia.

<vieiros> Boas tardes, Suso
<Suso> Como nos encontramos hoxe?, sinto moito o retraso, :-)
<Xose> Benvidos ó chat con Xesús Díaz. Lembrade que para formular as preguntas ó noso convidado é necesario pedir previamente a palabra ó moderador. Gracias a todos.
<Suso> De acordo, espero preguntas.
<vieiros> ¿Como afronta XX.SS esta campaña despois dos problemas internos xurdidos no seo desta organización?
<Suso> Recoñecemos que as X.S.G. saíron recentemente dunha grave crise, pero esto é normal nunha organizacion de esquerdas que evoluciona e continuamente busca o seu espacio político. Nós plantexamos o noso apoio á Coalicion tendo en conta que esta asume como seu o noso programa da mocidade, pero as X.S.G prestan o seu apoio a un xeito de gobernar e esta ten que darse despois do 19 de outubro, senón estaremos en frente sexa quen sexa o partido que goberne.
<Xose> Crees que o galego como idioma está sendo esquecido pola xuventude?
<Suso> Non, ó contrario, cada dia hai máis galego falantes, e de feito en Galicia ceemos que somos a nacionalidade histórica onde menos problemas lingüísticos temos, pero cecais a sensacion de que o galego segue a ser unha lingua secundaria percibeo xeramente por si mesmo, ou polo entorno no que vive non esta en contacto ca realidade
<Xecas> A crise aberta no seo das XX.SS semellaba unha confrontación entre unha tendencia que pretendia aforta-la lo carácter de forza politica propia e outra de obediencia estatal. Cal é o espacio politico en que se encadran as XX.SS? Forza politica galega ou de ambito estatal?
<Suso_Diaz> As X.S.G é unha organzación por e para Galicia, cun proxecto nacional dentro das X.S.G encontranse todos os militantes de tódalas sensibilidades do xove socialismo galego
<Mario> Cres realmente que a xuventude pode apoiar un goberno do PSOE despois dos últimos doce anos e sabendo como o fixo?
<Suso_Diaz> Foron catorce, de logros sociais, nembargargantes temos na mente os timos do goberno Fraga como organización de esquerdas comprometida coa transformación da sociedade, construír un futuro mellor ,era necesario un ensino publico para todos?, pero ... funciona o actual modelo da Xunta? queremos unha sanidade universal, pública e gratuíta ... pero iso está representado polo SERGAS?
<Xose> Estades mantendo relacións coas xuventudes do resto dos partidos da coalición?
<Suso_Diaz> Si.
<Ana> ¿Como valorades dende as XX.SS o feito de que tres organizacions da esquerda conflúan nunha coalición electoral para derrotar a dereita? ¿Como cres que vai repercutir na mocidade?
<Suso_Diaz> Esta forma de traballo é unha aposta polo proxecto global de esquerdas para Galicia frente ós intereses artidistas. Xa non son as xuventudes socialistas as que contan, conta a nosa capacidade indiviudal de asimilar a nova sociedade galega. Repercutirá moi positivamente, posto que é un proxecto ilusionante
<Xose> Non paran de chegar políticos do resto do Estado, e non precisamente xoves, Non cres que esta campaña debería ser máis galega?
<Suso_Diaz> Pode ser posible, pero a nosa realidade non acaba no Bierzo, Galicia é un pobo máis no proxecto de Europa
<vieiros> En grandes liñas, cal é a politica da coalición ante o reto que para a sociedade galega supoñen as novas tecnoloxías da información? Por que a coalicion non utiliza a Internet como medio na sua campaña electoral?
<Suso_Diaz> As Xuventudes Socialistas de Galcia non poden falar pola coalición pero os que coñecen a realidade galega saben que en moitos lugares de Galicia nen sequera chega o teléfono público, o impacto das novas tecnoloxías en Galicia acentúa a diferencia entre o Urban e o Rural e entre os que poden pagalo e os que non, e o noso proxecto debe chegar a todos os mozos e as mozas e non só a un grupo. Nembargantes, as X.S.G. posúen unha áaxina WEB na que se expón a nosa vision política da realidade galega, e as nosas propostas sobre canda un dos temas que se trata.
<Julio> Que pensas da campaña que está a facer Caballero, sobre todo co eslogan tan persoalista que máis parece dunha campaña do Sindicato Vertical?
<Suso_Diaz> Eu creo que Momento de Avanzar non é un eslogan personalista, paréceme que é moito máis personalista facerse un liftin informático (novas tecnoloxías :-)) para saír guapo na foto alguén que ten máis experiencia en sindicatos verticales polo seu pasado Falanxista
<Ana> ¿A que atribúes a diminución ostensible de candidatas con posibilidades de ocupar escanos? ¿Será que, Manquinha dixit, falla o concepto do concepto ou que, seguindo con Airbag, a profesionalidade é cousa de homes? :-))))
<Suso_Diaz> É fundamental que sexamos capaces de involucar ás mulleres na política activa, para que este tipo de situación se corrixa, a muller esta conquistando o seu lugar en tódolos campos da sociedade pero é importante que esto teña tamen un reflexo na vida politíca, debido ó seu empuxe, e non a unha política de cuotas que o que fai é maquillar unha realidade triste dos partidos politicos. Está claro que esto coa actual xestión da Conselleira de Xuventude, Muller, Familia e Sección Femenina non se pode conseguir. Nós confiamos en que os novos tempos que se aveciñan cambien radicalmente esta situación.
<Xose> En Galicia, as universidades estanse espallando por todo o país, creando facultades e facultades en tódalas cidades galegas, Non é isto excesivo?
<Suso_Diaz> Completamente de acordo, neste momento o mapa universitario galego está feito cos pés, unicamente guiado polos intereses localistas. Hai tempo que perderon o horizonte do que é realmente unha universidade. É pública a nosa posición sobre este tema, cremos que non se poden duplicar máis titulacións, e que ninguha titulación máis sen que antes non se faga unha adecuación da globalidade do sistema educativo galego, empezando dende abaixo, é dicir, mellorando a formacion profesional, adecuando os estudios á realidade das comarcas, dotando a cada municipio co seu centro de ensino medio, potenciando as alternativas a universidade. Podes consultar a nosa postura na nosa paxina WEB
<Mario> Sera posible un goberno progresista despois do 19 ou teremos que aprender a vivir cun goberno en minoría do PP?
<Suso_Diaz> As X.S.G traballan por un goberno progresista, de esquerdas, onde se coñezan tódalas siglas e nós non estamos dispostos a aprender a vivir co Partido Peligroso
<Raulazo> Non o sei, pero seguramente no PP non terán apartado xuvenil, dígoo polo cartel do Sr. Fraga, ó mellor abandera o sector xuvenil tamén.
<Suso_Diaz> É certo que a xeración dos políticos que hoxe gobernan xa non é a nosa, e por eso non nos sentimos representados polo Sr. Fraga, ou outros, está claro que o liftin informático non debe ser suficiente :-))))))
<Julio> Volvendo ó eslogan refírome ó de "No permitiré que Galicia quede atrás".
<Suso_Diaz> Eu tampouco estou disposto a permitir que quede atras, e ti?
<Xecas> Unha curiosidade, Cal é o URL do voso web? Na anterior etapa XX.SS tivo unha posición moi activa a prol da defensa do uso do galego. Seguirá mantendo a mesma liña? Como se compaxina a defensa do galego con publicidade en castelán ou coa belixerancia contra a nosa toponimia do Secretario Xeral do PSdG-PSOE? Pedirán as XX.SS a demision do Secretario Xeral, Paco Vazquez, se a coalicion é superada polo BNG ou retrocede en votos e escanos?
<Suso_Diaz> Sobre a URL non che podo respostar de memoria, pero esta aloxada en WWW.GEOCITIES.COM/CAPTIOLHILL. Comprometémonos a comunicárvola na proxima charla. En canto á postura sobre o Galego, e sobre a toponimia, a realidade supera as posicións de quen vai contra corriente, a pesar de que ás veces deste modo se cometen aberracions tanto nunha dirección como na outra. Sobre o asunto das demisións non cremos nesa posibilidade, a Calicion ten vocacion de governo, cremos que vai a ser a opcion de esquerdas mais votada, e que Abel Caballero formara goberno.
<mario> Non cres que é máis atractiva para os xoves unha opción como a do BNG que nunca gobernou?
<Suso_Diaz> Carlos Mella, militante do Bloque, foi vicepresidente da Xunta co goberno de Xerardo Fernandez Albor, (AP) polo que o Bloque dun xeito ou outro xa gobernou. Á marxe das modas, está a ideoloxía profunda e incluso os valores eticos persoais, que nos sitúan cunha opción nacionalista,independentista, socialista, de dereitas, .... o problema é cando o marqueting confunde a ideoloxía e os seus principios básicos, o que hoxe fai que algúns partidos escollan un eslogan que pode estar perfentamente en castelán "Porque nos interesa este pais" fará que moitos mozos e mozas digan "esto non é o que parecía"
<Julio> Non se trata de permitilo...hai que facelo, porque o dia 20 as promesas e os eslogans leva-os o vento...como sempre
<Suso_Diaz> Completamente de acordo, espero que esteas con nós se despois do 20 non se fan políticas de esquerda.
<vieiros> As ultimas mensaxes da coalicion (non confiedes nas enquisas, facer fincapé no currículo académico de Abel Caballero, etc) dan a sensacion de certo derrotismo na recta final da campaña. ¿E a influencia da opinion publicada?
<Suso_Diaz> Sabemos como é a xente en Galicia, e por experiencia, as enquisas en Galcia non funcionan demasiado ben, de feito ultimamente en toda Europa as enquisas parece que as fan a ollo :-)))))))
<Ana> Realmente tes razon en que as fan a ollo e sempre cun só porque se lles ve a cor. Agora ben, non cres que o ton da campaña, excesivamente presidencialista, pode provocar a desmotivacion dos xoves a hora de votar
<Suso_Diaz> Pode ser, pero nós esperamos que o efecto sexa todo o contrario. Os xoves teñen que tomar as rendas, e para eso teñen que acercarse masivamente á politica. Esta é unha oportunidade única para que a nosa xeración deixe de ser unha xeración pasota.
<Mario> Sen entrar en polémicas pero o lema do Bloque está tan en galego como o voso (Momento de avanzar) pode estar en castelán. Vós tamén xogades ó mesmo, non cres?
<Suso_Diaz> Eu creo que eles estan traicionando a súa ideoloxía e nós por contra nunca puxemos a patria por riba dos avances sociales.
<Xecas> ¿Cal será a influencia ou sobre que incidirán as XX.SS nun hipotético goberno encabezado pola coalición ou de coalición entre o BNG e a coalición?
<Suso_Diaz> Velaremos para que se cumpran os nosos compromisos programáticos e adoptados pola coalición en materia de xuventude, ... e senón, sexa quen sexa o que governe ... nós faremos oposicion nas rúas. Estamos encantados de ter falado con vós, e sinto ter que deixarvos, despedimonos de vós ata a próxima cun xove saúdo socialista, saúde.
<Moderador> Gracias, o invitado ten que marchar.
<Xose> Agradecemos o tempo que Xesús Díaz nos adicou neste medio, ás veces esquecido dende os partidos políticos.

Volver á portada | Galicia e o seu parlamento | 19-O e outras eleccións | Partidos, líderes e programas | Revista de prensa