Vieiros

Vieiros de meu (ou rexistrate)

Eleccións Galiza 2009

ir á portada do especial
EN CELANOVA

Nova campaña sucia do PP: "O bipartito pódeche quitar as terras"

Repartíronse pasquíns alertando de que "o goberno do BNG e o PSOE pódenche expropiar a túa casa para darlla a outra persoa, se te ausentas un tempo".

Redacción - 18:30 26/02/2009

Entre a noite do mércores e o xoves pola mañá apareceron por toda Celanova folletos chamando a non votar a PSdeG-PSOE e BNG, e afirmando que se goberna o bipartito "pódenche quitar as terras e darllas a outros coa excusa de que non as traballas" (en referencia ao Banco de Terras) e "o goberno do BNG e o PSOE pódenche expropiar a túa casa para darlla a outra persoa, se te ausentas un tempo" (en referencia á Lei de Vivenda). O deputado provincial do BNG, Alfonso Grande, vén de apresentar unha denuncia por difamación contra responsábeis do PP de Celanova.

Pola súa banda, no Barco de Valdeorras foi o PP quen denunciou ao alcalde socialista da vila, Alfredo García, pola difusión de panfletos asinados por el no que se lía 'Haz caso a tu alcalde. Vota PSdeG-PSOE'. Despois da denuncia, a Xunta Electoral prohibiu esta propaganda e ordenou a entrega nos xulgados de todos os folletos que aparezan asinados polo alcalde.


Ligazóns

2.54/5 (13 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: