Tag: directopp
Fraga, un dos primeiros en felicitar a Feijoo
Os dirixentes populares confirman a maioría absoluta, abandonan as cautelas que mantiveran até agora e falan abertamente do triunfo. Feijoo continúa dentro, pero representantes do partido confirman que Manuel Fraga acaba de chamar para felicitalo polo triunfo. Alfonso Rueda está sendo a cara do PP esta noite.
A nai de Feijoo, protagonista
"Está casado con Galiza, pero Galiza non me dá fillos", dixo a nai de Feijoo nun vídeo gravado para a campaña electoral popular. Na noite da vitoria do seu fillo, estivo na primeira fila da roda de prensa na que se declarou gañador.
A foto da noite atrásase
Ducias de xornalistas fan garda ás portas da sede popular. Dentro, escóitase a algúns militantes iniciando a celebración. Camareiros levaron champán e copas. Porén, a comparecencia de Feijóo aínda non chega e os xornalistas non poden entrar na sede; un porteiro, a xeito dos 'gorilas' das discotecas impide a entrada.
Rueda confía na maioría absoluta
Silencio e calma no PP. As enquisas a pé de urna recibíronse con indiferencia: 36, 37 ou 38? Dous escanos que fan a diferenza. Tan só Alfonso Rueda entra e sae da sede, sorrí, amósase convencido da maioría absoluta. Mira a Ricardo Varela con atención na televisión. Está confiado
'Véndese Audi'
Despois de horas de nervios e emoción contida, a partir das dez da noite, a alegría estoupou na sede do PP. Así e todo, Feijoo resistíase a saír. Mentres, militantes populares comezaban a celebración e as bromas. Por exemplo, con carteis de 'Véndese Audi', en referencia aos automóbiles oficiais utilizados por Emilio Pérez Touriño como presidente da Xunta.
Feijoo: "Póñome ao servizo de Galiza"
Unha pequena sala de prensa foi o escenario do primeiro discurso de Alberto Núñez Feijoo como presidente da Xunta. Berros de 'presidente, presidente', moreas de cámaras ("nunca vira tantos fotógrafos", dixo o líder do PP), e a presenza de Ana Pastor, Pedro Puy, Alfonso Rueda..., e a propia nai do novo presidente.
Onde está o escano 38?
Os dirixentes populares continúan no interior da sede, analizando os datos recollidos ao longo da xornada; mentres, fóra, na sala de prensa, os xornalistas agardan. O éxito ou o fracaso popular pode depender dun escano.
Vieiros informa en directo desde a sede do PPdeG
Desde a sede do partido en San Lázaro.
Novas
Administración pública: inercias e urxencias dun xigante
Os principais grupos políticos teñen a convicción da necesidade dunha nova lei de función pública, malia que difiren na concreción. No medio, o PP pretende suprimir para os funcionarios a obrigatoriedade de coñecer o galego.
- Outros temas: Voto emigrante | Prioridades fronte á crise | Sector leiteiro | Financiamento | Audiovisual | TIC | Cultura | Acción exterior | Medios | Xestión de residuos | Deporte de base | Naval | Lingua | Universidade | Sustentabilidade | Universidade | Automoción |
- g("programas_comparativa_id_nova"); ?> Comparativa dos programas (opina)
- Anteriores: Xan María Castro | Antonio Fontenla | Beatriz Blanco | Francisco Bello | Eladio Romero | Carme Freire | Paco Veiga | María do Carme López | Manuel Martín | Ana Olveira | Jeanne Picard | Evaristo Lareo | Judith Sing | Xosé Lastra | Margarita Ledo | "Programa pola Terra" | ONGDs | Ramón Bermúdez | Xulio Ríos |
- g("lexislatura_retos_id_nova"); ?> Que retos cres que debe afrontar o que gañe nas eleccións? (opina)
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto