Así resumía o europarlamentario do BNG, Camilo Nogueira, a súa explicación da necesidade de establecer un firme compromiso coa causa defendida por distintos colectivos contra a polémica nova proposta de ‘Directiva Europea de Patentes de Software’.
Representantes de empresas galegas vencelladas coas novas tecnoloxías e usuarios de Linux en Galiza coincidiron na ameaza que o novo texto supón para a innovación. Neste sentido chamaron a acelerar a mobilización aproveitando a convocatoria electoral europea.
O obxectivo é combater a presión dos xigantes tecnolóxicos dos EEUU que tratan de impedir que emprendedores e pemes, a base do tecido produtivo europeo, poidan ser competitivos, impoñéndolles "patentes absurdas e triviais". "Pódese patentar a regra de tres?", denuncian ironicamente os colectivos. Vímoslles contando da polémica no Canal Fwwwrando.