Vieiros

"O treito afectado, de case tres quilómetros, mantén un camiño carreteiro en moi bo estado de conservación, existindo moitos treitos que discorren sobre lousas de pedra co raíl labrado polos carros. A zona que atravesa este camiño caracterízase por un mosaico de peches ou valados. A acción humana sobre o medio natural xerou unha paisaxe de grande interese e beleza, cuxas orixes se remontan á epoca castrexa e que garda moitas semellanzas con outros vestixios deste tipo de paisaxes que se conservan ao longo da fachada atlántica europea (Irlanda, costas bretonas, Normandía)", destacan os ecoloxistas.

ADEGA pídelle a responsábeis políticos que se asesoren con especialistas en ordenación do territorio, dinamización e promoción turística, enarquitectura da paisaxe, para seren conscientes do grave erro que suopría esta construcción. Lembran que zonas coma Normandía "non vive do turismo de sol e praia senón precisamente do turismo que aproveita uns recursos semellantes aos da Costa da Morte" e animan a abrir un concurso de ideas que destine os investimentos a "fortalecer estratexias de aproveitamento do medio que beneficien directamente á poboación residente na zona".