Edición xeral
O "concilio das sombras" xúntase en Compostela
Malia que poidan pensar en revoltas políticas de tapadillo, apaños vaticanos ou canfurnadas ministerais, desta vez falámoslles da segunda edición da xuntanza de xogadores de rol en Compostela para unha partida que ten coma taboleiro real as rúas da cidade. Deica o 23 de abril está aberta a inscrición no xogo bautizado "Legado de sangue", con ambientación vampírica que limita a participación a medio milleiro de roleiros.
‘Ti podes ser a próxima víctima’ fora lema do cartel que co debuxo dun coitelo espertara o medo entre a veciñanza compostelá hai xa dous anos, e a polémica logo de saberse que formaba parte da publicidade dun xogo de rol en vivo integrado dentro do programa Boas Noites do Concello. A zona vella de Santiago foi escenario de privilexio para unha partida que xuntou daquela a máis dun cento de participantes.
Logo daquela exitosa experiencia, os seus promotores presentan agora unha nova iniciativa, con base arredor do mesmo xogo, "Vampiro, a mascarada", que quere ofrecer "unha gran obra de teatro na que o escenario é a propia cidade, coas súas rúas, prazas, parques, bares e locais diversos". A partida: na noite do próximo venres 29 de abril.
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto