Vieiros

Un total de 17,3 millóns de euros serán destinados pola consellaría de Vivenda o próximo ano para o financiamento da rehabilitación de vivendas en centros históricos e medio rural. A conselleira anunciou a intención de axudar así a fixar poboación e á recuperación e protección de patrimonio arquitectónico. Segundo explicou Teresa Táboas, vaise tratar de avanzar na compra de edificios en deterioración para recompoñelos e poder achegarllos en réximo de alugueiro ou mesmo venda ás rendas máis baixas.