Vieiros

"O Estatut vaise axustar aos tres principios nos que se fundamenta a nosa convivencia: liberdade, igualdade e solidariedade", afirmou José Luís Rodríguez Zapatero na súa intervención no Congreso. O presidente do goberno español insistiu en que o Estado "non se debilita cando se recoñece o autogoberno e a identidade de seus pobos, senón que gaña en forza e dinamismo". Da outra beira, o líder do PP, Mariano Rajoy, centrou o seu discurso no ataque directo a Zapatero, evitando mesmo entrar no contido do Estatut e excluíu o seu partido de calquera proceso negociador. A anécdota, o uso da lingua galega que Carod Rovira escolleu para responderlle a Rajoy: "Cada vez que vostedes falan de min o meu partido sobe en votos".