Vieiros

A conselleira de Pesca, Carme Gallego, anunciou que o goberno noruegués liberará previsibelmente o próximo xoves o pesqueiro "Monte Meixueiro". De momento, as autoridades norueguesas non fixaron data aínda para a liberación do outro barco apreixado, o "Garoya Segundo". "Noruega podería unicamente inspeccionar a actividade dos buques de bandeira española e trasladarlle o informe resultanteda súa inspección ao executivo español para que este asuma a responsabilidade en relación cos seus buques". Así o defenden desde o ministerio de Pesca, ao tempo que lle recoñecen ao país nórdico a súa capacidade para establecer medidas de conservación e xestión de recursos pesqueiros na zona onde foron apreixados os barcos galegos, pero subliñándolle que é tarefa do goberno español "instruír o expediente sancionador que puidera corresponder polas alegacións de infracción formuladas pola garda costeira de Noruega".