Vieiros

Na Convención Nacional, que comezará este sábado ás 18h no Pazo de Congresos de Santiago de Compostela, intervirán Tereixa Paz, deputada do BNG, Carlos Aymerich, portavoz do grupo parlamentar e coordenador da poñencia que redactou a proposta de Estatuto nacionalista, e Anxo Quintana, portavoz nacional do BNG.

Tamén participarán como convidadas delegacións doutras nacións do Estado, representadas por Josu Jon Imaz, presidente do PNV; Josep María Pellegri, secretario xeral de Unió Democrática de Catalunya; e Pere Macías, da dirección de Convergència Democrática de Catalunya e portavoz do grupo dos nacionalistas cataláns no Senado.

Primeiros comentarios dende a emigración
Manuel Casal Lodeiro, Casdeiro, un dos principais activadores na rede da comunidade de galegos e fillos de galegos emigrados, publica este xoves un texto titulado "Comentarios desde a emigración ao Estatuto do BNG" no que expón as dúbidas e impresións que lle merece a proposta nos puntos que atinxen á comunidade galega do exterior.

Unha das peticións principais é que a propia definición do que se entende por comunidade galega, por ser merecedora de certos dereitos no proxecto de Estatuto.