Vieiros

O plan para os próximos tres anos multiplica por sete o orzamento neste ámbito do trienio anterior, cun total de 1.022 millóns de euros e co 90% desa cantidade destinada ao establecemento de novos medios. Desa suma, 515 millóns serán para investimentos directos e 507 para operacións de mantemento. O plan incluirá a construción en Galiza dunha das dous maiores bases do Estado destinada a atender accións contra a contaminación no mar e prestar servizos de salvamento. A infraestrutura, proxecto de máis de 18 mil m2 de superfie, non ten aínda decidida a súa ubicación definitiva.

Estimular a colaboración continua e a coodinación arredor de operacións concretas é tamén obxetivo deste proxecto, que pretende deseñar un espazo de investigación e un contorno colaborativo entre as diversas administracións e organismos vencellados. Á beira vaise impulsar un programa de seguridade en buques pesqueiros con atención especial na formación das tripulacións. O proxecto inclúe a mellora dos sistemas de alarma e localización de accidentes, a realización de estudos sobre estabilidade dos barcos, accións de formación e a multiplicación das tarefas de inspección.

A ministra de Fomento, Magdalena Álvarez, explicou que de xeito concreto o novo plan pretende recudir á metade os tempos de resposta no caso de incidentes onde sexa precisa a atención de buques remolcadores, e que se multiplicará por cen a capacidade de recollida de contaminación. Álvarez gabou especialmente que a nova flota de emerxencias vai ser xestionada directamente polas administracións e terá adicación exclusiva a estas tarefas.