Vieiros

O plan tamén contempla a creación dunha base de salvamento de 18 mil metros cadrados, que se ubicará en Ferrol. A ministra tamén avanzou a creación de outra base permanente de actuación subacuática, integrada por cinco mergulladores, pero que aínda non se sabe para onde irá, igual que unha das catro bases do avión de ala fixa que inclúe o plan. Esta aeronave está destinada á vixilancia aérea en caso de vertidos ileguais e á persecución dos infractores. Magdalena Álvarez lembrou que cando o Prestige o goberno tivera que alugar un avión deste tipo a Francia e a Portugal. Ademais, virá un helicóptero novo para substituir o actual, con 28 anos de antigüidade.

O AVE, por onde estaba trazado ao principio
Na súa visita Magdalena Álvarez tamén lle confirmou a Touriño que as obras do AVE avanzarán, mantendo o trazado orixinal entre Lubián e Ourense malia que este pasaba por unha capola mina de cuarzo de Serrabal, propiedade do ex ministro Juan Miguel Vilar Mir. A ministra recoñeceu que o proxecto estivo parado dous anos para buscar un trazado alternativo, pero ao non atopalo finalmente optan por esta solución, que é "a mellor posíbel".