Vieiros

"Queremos un debate para falar das cousas que interesan e ver a posición de cada quen", subliñou Alberte Núñez Feijoo. O presidente do PPdeG amarrouse ás declaracións do líder do BNG, Anxo Quintana, quen estivo presente na recente conferencia de Feijoo na Fundación Caixa Galicia e se manifestou publicamente a prol da convocatoria dese pleno, que segundo o líder dos populares galegos debería celebrarse en canto remate o cento de comparencias que teñen lugar diante da comisión estatutaria.

Na opinión de Feijoo, esta comparecencia parlamentaria daríalle inicio e "impulso" aos traballos posteriores da ponencia, sendo "guía e pulo ao máximo nivel político" do debate na comisión, permitindo "facilitar e axilizar a súa tarefa". O líder do PPdeG tamén considera que esta sesión "contribuiría a lograr unha maior identificación da cidadanía con este proceso, que en definitiva ten como obxectivo final a mellora da calidade de vida de todas as galegas e os galegos".