Edición xeral
O lume visto desde o satélite
Máis de 50 millóns de hectáreas arden cada ano en todo o mundo e en Galiza a chegada do verán acostuma a poñer no primeiro plano das preocupación o elevado número de incendios nos nosos bosques. Desde a Axencia Espacial Europea fornecen agora un servizo de seguemento vía satélite dos lumes.
"Este atlas é unha excelente fonte que ofrece unha visión até o de agora imposíbel e que lle permitirá a ecoloxistas e investigadores propoñer novas preguntas sobre o impacto do lume nos ecosistemas naturais", explica o biólogo Matt Fitzpatrick.
Os incendios inflúen significativamente na contaminación atmosférica e contribúen ao efecto invernadoiro e os científicos teñen subliñado a importancia de atender a esta situación. Os promotores deste servizo destacan por exemplo os lumes producidos en Borneo durante o ano 1998, condicionado polos efectos do fenómeno coñecido como El Niño, provocaron unha emisión contaminante á atmósfera equivalente á de Europa ao longo de todo ese ano.
Reparando no mapa de lumes galego e portugués, en Chuza! chaman a atención sobre o alto número de focos de incendio que aparecen xa nesta altura do ano.
- Anteriores: O plan contra o lume identifica 256 parroquias con risco elevado de incendio
- Poucos recursos humanos e técnicos para investigar os lumes e escasa colaboración cidadá
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto