Vieiros

Os ex Premios AGAPI, agora Premios Chano Piñeiro do audiovisual galego, xa teñen listaxe de nominados. O máis sorprendente é que o producto máis nominado é a serie 'Rías Baixas', que opta a catro dos galardóns principais. Podedes comezar a facer quinielas cos gañadores deste certame que por primeira vez organizan conxuntamente as dúas asociacións do audiovisual patrio: AGAPI (Asociación Galega de Productores Independentes) e AEGA (Asociación de Empresas Audiovisuais de Galicia):

• Mellor longametraxe: O Bosque Animado (Dygra), Lena (Portozás Visión) e Castelao. Os irmáns da liberdade (Acuarela Comunicación).
• Mellor interpretación masculina: Manquiña (Lena), Ernesto Chao (dúas veces: por Condenado a vivir e Pratos Combinados) e Tacho González (Rías Baixas).
• Mellor interpretación feminina: Marta Larralde (Lena), María Bouzas (por Terra de Miranda e Condenado a vivir) e Sonia Castelo (Rías Baixas).
• Mellor director: Ángel de la Cruz e Manolo Gómez (O Bosque Animado), Chema Cagino e Jorge Coira (Terra de Miranda), Jesús Segura (Rías Baixas) e Jorge Valcárcel e Fran Piñeiro (Jalisco).
• Mellor serie ou filme de ficción: Condenado a vivir (Continental), Mareas Vivas, Terra de Miranda (ambas as dúas de NTR, do Grupo Voz) e Rías Baixas (Zenit Multimedia).
• Mellor producción multimedia: Bravú.net, Eis-Vigo, Navegación emocional e Trofeo-Ibisa.