A Academia Galega do Audiovisual entrega os premios Mestre Mateo 2002 nunha gala que se celebra o sábado, día 7, no Pazo de Congresos de Santiago de Compostela. O conductor do acto será o actor Javier Veiga que estará acompañado na presentación por outras actrices e actores como María Bouzas, Tristán Ulloa, Marta Etura ou Antonio Durán Morris. A Big Band da Coruña porá a banda sonora ao espectáculo que tamén contará coa participación de The Killer Barbies, Ballet Druída e Antón Reixa. Tamén haberá números cómicos a cargo de Camila Bossa, Juanillo, Marcos Orsi e outros. Os premios repártense en 24 categorías nas que están nominados máis de 150 profesionais. A Gala será retransmitida en diferido esa mesma noite pola TVG.
Os profesionais nomeados son:
- mellor dirección: Eduardo Galán e Pilar Comesaña, Jorge Coira, Patricia Ferreira e Carlos Sede;
- mellor interpretación masculina: Miguel de Lira, Pepo Suevos, Luís Tosar, Antonio Durán Morris e Marcos Orsi.
- mellor interpretación feminina: Nekane Fernández, Mabel Rivera, Belén Constela e María Bouzas.
- mellor actor de reparto: Xosé Manuel Oliveira Pico, Celso Bugallo, José Ángel Egido e Xosé Luís Bernal.
- mellor actriz de reparto: Rosa Álvarez, Luisa Merelas, Mónica García e Patricia Lorenzo.
- mellor comunicador de televisión: Uxía Blanco, Pemón Bouzas, Carmen Mella e Xosé Ramón Gayoso.
- mellor banda sonora: Piti Sanz opta por dous traballos-, Manuel Balboa, Mercedes Peón e Nani García.
- mellor dirección de producción: Roberto Sinde, Luís Collazo, Emilio McGregor/Alfonso Blanco/Paula Fernández, e Amalia Mato/Ana Míguez/Alfonso Blanco e Jesús Vecino.
- mellor dirección artística: Marta Villar, Pablo Vilalba, Inés Rodríguez e Antonio Pereira xunto con Inés Rodríguez de novo por dúas produccións distintas.
- mellor fotografía e/ou iluminación: Santiago Yannes, Carlos Vilas, Susana Castellvi e Ana Muíño.
- mellor guión: Eduardo Galán e Pilar Comesaña por Dezine, Ignacio Vilar por Ilegal, Xosé Cermeño por Pratos Combinados, e Carlos Ares, Xosé Castro, Andrés Mahía, Raúl Dans, Daniel Domínguez e Chema Gagino por Terras de Miranda.
- mellor montaxe: Jorge Coira e Guillermo Represa por Entre Bateas, de novo Guillermo Represa por Ilegal, Gerardo Rodríguez por Rías Baixas, e Martín Giallega, Óscar Rodríguez, Manu Mayo e Luís Millares por Terras de Miranda.
- mellor son: Claudio Canedo, José Luís Vázquez, Santi Jul/Fran Arcay, e Fran Arcay/Rubén Bermúdez e Víctor G. Seijo.
- mellores produccións de publicidade: Cabreiroá. Parque Warner, de Continental Produccións, Campaña actores. Estrella Galicia de IJV Producciones, C.L.A.S. Campaña de Navidad de Continental Producciones, e La Voz de Galicia de Lúa Films.
- mellor documental: Europeos, da TVG, Monte Alén de EAF Producciones, Vía Nova de Pórtico de Comunicaciones, e Vivir en Manhattan da TVG.
- mellor producción multimedia: Cecebre ecolóxico, El Templo, Galicia 360º e O labirinto dos soños.
- mellor curtametraxe de ficción: As Muxicas, Bobo Furcia, Coma nunca e O Trasto.
- mellor curtametraxe de animación: A escola das areas, Carro, Gallardo y Marela, Good Night Mom AMI, e Taxia.
Por último, a Xunta Directiva da Academia Galega do Audiovisual decidiu outorgar os Premios Revelación Chano Piñeiro, Especial José Sellier e o de Honra Fernando Rey, ao actor Celso Bugallo, ao profesor e catedrático Ángel Luís Hueso Montón, e ao Productor Víctor Ruppén respectivamente.