Vieiros

Trátase dun proxecto comunitario, enmarcado na Iniciativa PEME e promovido polo Consello Superior de Cámaras, que proporcionará asesoramento individualizado a novecentas catorce empresas da comarca. O programa posto en marcha pola Cámara de Comercio de Ferrol diríxese fundamentalmente a micropemes, é dicir aquelas empresas con menos de 10 empregados, preferentemente dos sectores comercial e de servicios. Dous asesores especializados, formados específicamente para este programa, visitarán as empresas onde realizarán unha enquisa por medio da cal se trata de valorar o grao de preparación das mesmas para as repercusións que o Euro e o Efecto 2000 terán na súa estructura e funcionamento. A participación da Cámara de comercio de Ferrol neste programa foi aprobado nunha sesión do Pleno da Cámara celebrado o pasado luns 22 de febreiro.