Vieiros

Hernández Fuertes, que nos últimos 13 anos estivo adestrando en Costa Rica a diversos equipos e incluso á selección absoluta de aquel país en varios partidos, foi presentado na mañá do xoves nas instalacións do campo do Couto.
Fuertes é un auténtico descoñecido no fútbol español pero chega con moita ilusión e ganas de levantar a un CD Ourense que practicamente agoniza na Segunda División.
A súa chegada causou moita sorpresa tanto nos medios de comunicación como na afición xa que se barallaban outros nomes máis coñecidos como Quique Hernández ou Colin Addison.