Vieiros

O alcalde mantivo onte á mañá unha reunión en Bruxelas co Comisario Europeo de Cultura, Marcelino Oreja, en representación das Cidades Europeas do 2000. Alí o rexedor compostelano transmitiulle a "preocupación e necesidade" de reformular os criterios orzamentarios que se destinan a estas cidades, xa que nesta ocasión van ser nove as elixidas en lugar dunha soa.

Bugallo explicou que ata o de agora a Unión Europea acostumaba a destinar entre 500.000 e 6.000 euros (uns 90 millóns de pesetas) a este concepto, pero no ano 2000 será a primeira vez que a capitalidade cultural europea recae en nove cidades, "polo que estes fondos resultan insuficientes".

Xa que logo, o alcalde solicitou a Oreja vías alternativas de financiamento e o comisario, segundo afirmou Bugallo, compremeteuse a trasladar esta preocupación á UE "e amosouse dialogante e comprensivo coas reclamacións". Ademais, o rexedor explicoulle os proxectos que se están a desenvolver nas nove capitais.