Na Serra de Outes (A Coruña) a noite previa ao Primeiro de Maio celébrase o Pampallín, unha festa tradicional propia do Ciclo de Maio, que ten como elemento básico o lume. Sen embargo o Concello de Outes nos últimos catro anos estalle a dar un enfoque diferente: envía un convite a todos os mozos e mozas de 18 a 30 anos gracias ao que poden tomar copas de balde toda a noite a conta do Concello. Carlos Crespo, alcalde deste municipio e presidente da Comisión de Cultura da Deputación coruñesa, "vén de converter esta festa tradicional nunha versión para a mocidade das festas dos vellos que organizan os alcaldes do rural galego", segundo denuncia Manuel González, responsable do BNG en Outes. "Non se poden malgastar cartos públicos para incentivar o consumo de alcol", apuntou.
.