Vieiros

Xa lles contamos da nova versión do portal do independentismo galego Galizalivre.org, que ademais dos habituais foros e contrainformativos incluía novas seccións mesmo de cinema e gastronomía. Agora veñen de engadir un novo servicio: unha emisora de radio vía internet, de emisión continua. Á espera de ter unha programación estable, enche os seus contidos con música, e varios especiais, que inclúen unha charla de Carlos Taibo sobre a guerra de Afganistán, os disturbios da toma de posesión de Fraga e unha conferencia de James Petras.