Vieiros

A Declaración de Boloña é un proxecto europeo que busca a creación dun espacio común de educación superior para promover a mobilidade dos estudiantes, unificar estándares de calidade e simplificar as carreiras universitarias.

Na opinión de Galiza Nova, a Declaración nega as peculiaridades nacionais: "con esta lei búscase a consolidación dun mercado europeo que potencie a competitividade entre países, tal e como se recolle na propia Declaración".

Antes do 2010, todos os países que conforman a UE deben estar adaptados ao novo modelo educativo. As titulacións serán máis curtas (entre 2 e 3 anos), cunha especialización dirixida ao mercado laboral. Galiza Nova considera que deste xeito, as carreiras responderán á demanda de empresas privadas, "que terán un peso importante nos órganos universitarios".

Ademais, a mocidade nacionalista alerta que o sistema de bolsas continuará a diminuir ata a súa substitución polos créditos blandos. "Isto trae aparellado unha elitización do ensino e a desigualdade de oportunidades á hora de estudiar e de acceder a un posto de taballo digno".

As charlas informativas prodúcense días antes de que os ministros de Educación de 32 países da UE se reúnan en Praga, o 19 de maio, para continuar co proceso iniciado coa Declaración de Boloña.