Vieiros

O Pleno da Cámara de Comercio de Ferrol reunirase na tarde do luns 8 de marzo para debater a proposta de cese de Manuel Pérez como tesoreiro da Cámara. A situación prodúcese logo de que Pérez se negase en reiteradas ocasións a asinar ordes de pago a favor do Consorcio Pro-feiras e exposicións. Manuel Pérez non está disposto a dimitir, xa que, segundo afirma, "as súas accións como tesoreiro da cámara se atopan fora de toda sombra de dúbida".

Pérez denuncia ademáis a realización de operacións económicas e financeiras "sospeitosas e irregulares", que el "non vai aceptar "estampando a súa firma". Asemade, tamén denuncia presións por parte de membros do equipo directivo da Cámara de Comercio e do Consorcio Pro-feiras para que asinase ordes de pago irregulares e para que cesase no seu cargo.

O constructor e tesoreiro da cámara ten denunciado ademáis o silenciamento deste asunto, "do que ninguén quere falar, e algúns medios de comunicación manipulan".