Vieiros

Vieiros de meu Perfil


Edición xeral

RSS de Edición xeral

Manuel Lourenzo gaña o "Rafael Dieste"

O actor e dramaturgo Manuel Lourenzo é o gañador da IX edición do Premio de Teatro "Rafael Dieste", outorgado hoxe pola Deputación da Coruña, por decisión maioritaria do xurado. Lourenzo, que obtivo o premio coa obra "Ultimas faíscas de setembro", xa gañara este certame no 96 pola peza "Magnetismo". Nesta ocasión o xurado valorou no seu fallo tanto a "dimensión visual e poética do texto" como o tratamiento duns personaxes "cargados cun pasado cheo de misterio". Canto ao argumento, os membros do xurado definiron a obra de Lourenzo como "un texto no que se actualiza na dramaturxia galega mito de Medea nun contexto contemporáneo". A obra, que se presentou baixo o lema "Kirchfeldstrasse", competíu polo premio con outros 15 traballos que concorreron a esta novena edición do certame. O "Rafael Dieste" ten unha dotación económica dun millón de pesetas, así como a edición, producción en posta en escena da peza gañadora.

- 17:18 28/10/1999
Tags:

.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: