O inquérito de Pasolini sobre o amor
O Cineclube de Compostela rexurde este outono cun documental dun dos xenios do cinema: en Enquisa sobre o amor, Pier Paolo Pasolini percorre Italia de norte a sur, falando coas persoas e desmentindo tópicos arredor da sexualidade nunha sociedade dominada pola igrexa e o patriarcado. Proxectarase o martes 22 de novembro ás 22:30, no local social O Pichel (Santa Clara, 21).
No 63, Pasolini percorreu a península itálica, dende as grandes cidades ás vilas e aldeas do rural, falando con xente de todo espectro social, entrevistando sobre amor e erotismo.
Da resposta dos entrevistados, sobre todo os de procedenza burguesa, obtense un valioso documento sobre a hipocrisía social. As persoas de clase social máis baixa respostan espontaneamente. Segundo Enzo Siciliano na súa biografía Vita di Pasolini (Giunti, Florencia), "o filme é un apaixonado autorretrato."
A vergoña que producen a incultura e o medo na sociedade italiana contrastan coa enorme naturalidade do autor. Puxo en evidencia a descomunal represión exercida pola igrexa católica, e espertou a inquedanza por unha renovación do sistema educativo.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto