Vieiros

Vieiros de meu Perfil


Edición xeral

RSS de Edición xeral
AMEAZAS Á PRENSA EN 2005

Reporteiros sen Fronteiras fai balanzo do ano "máis asasino" coa prensa desde 1995

Un total de 63 xornalistas e 5 colaboradores de medios de comunicación morreron en 2005, un ano onde tamén houbo agresións e ameazas contra 1.308 traballadores dos medios, 807 xornalistas foron detidos e máis dun milleiro de medios sufriron algún tipo de censura directa. Son as cifras produto do reconto de casos concretos e documentados realizado durante os últimos doce meses polo colectivo Reporteiros sen Fronteiras, desde onde advirten que os datos non eran tan alarmantes desde 1995.

- 08:41 05/01/2006
Tags:

"Por terceiro ano consecutivo Iraq continúa sendo o terreo máis asasino", láianse desde Reporteiros sen Fronteiras, lembrando que 24 xornalistas e 5 colaboradores dos medios perderon a vida naquel país en 2005, facendo suma de 76 mortes desde o inicio da invasión en 2003.

O colectivo fai denuncia en especial da situación en varios países, coma son Bangladesh e Nepal, onde "as agresións son practicamente diarias e proceden de todas partes: axentes das forzas da orde, militantes de partidos do poder ou da oposición e membros de grupos armados". Ao tempo, fai reconto dos xornalistas que están no cárcere, entre outros: 32 en China, 24 en Cuba, 17 en Etiopía, 13 en Eritrea e 5 en Birmania.

Tamén se ocupa de internet, medio no que advirten que "está sendo estritamente controlado por algúns gobernos liberticidas" e sobre o que fan lista dos quince principais "inimigos de internet": Arabia Saudí, Belarús, Birmania, China, Corea do Norte, Cuba, Irán, Libia, Maldivas, Nepal, Usbequistán, Siria, Túnez, Turkmenistán e Vietnam.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: