Edición xeral
A 'crise das caricaturas' deixa mortos tamén en Paquistán
Máis de 70.000 persoas queimaron en Peshawar, no noroeste de Paquistán, outro restaurante de comida rápida, tres cines e unha sé da compañía norueguesa Telenor, no terceiro día de protestas contra as caricaturas de Mafomede. Un home de 25 anos e un neno de oito morreron, e máis de 50 persoas están sendo atendidas nos hospitais de campaña, segundo informa Al Iasira. As pistolas comezaron a escoitarse preto dun Kentucky Fried Chicken. Refuxiados afgáns uníronse á protesta de Peshawar, e os manifestantes seguen esixindo "acción contra os responsabeis". En Lahore, ao leste, un home de 30 anos morreu cando máis de mil estudantes se enfrontaban á policía na universidade de Punjab.
As deste mércores están sendo as protestas máis violentas das celebradas até o de agora en Paquistán contra a publicación das viñetas de Mafomede.
En Peshawar, no noroeste do país, os manifestantes prendéronlle lume a un KFC, tres cines e ducias de vehículos. A violencia comezou onda o Kentucky Fried Chicken. Un neno de oito anos morreu tras ser alcanzado por unha bala. A policía atribúe a morte a "disparos indiscriminados" dos manifestantes, mentres os participantes na protesta aseguran que o rapaz foi abatido por disparos da policía, cando tentaba alonxarse do balbordo. Un home de 25 faleceu tamén tras lle caer enriba un cableado eléctrico desprendido polos disparos.
A manifestación deste mércores foi convocada polo Movemento de Defensa da Dignidade do Profeta contra a publicación das caricaturas de Mafomede, difundidas no diario conservador danés Jyllands-Posten e volcadas despois nos medios europeos.
A outra protesta produciuse en Lahore, no leste do país, na Universidade de Punjab. Un home de 30 anos morreu nos enfrontamentos coa policía. Máis información na BBC.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto