Vieiros

Nado en Australia hai máis de setenta anos, Rupert Murdoch é na actualidade propietario de ducias de periódicos, canles de televisión, editoriais, estudos cinematográficos, emisoras de radio... Coñecido por favorecer o sensacionalismo en prensa escrita ou os reality shows televisivos, o poder acumulado polo seu imperio mediático convírteo nun dos homes máis poderosos do planeta. O seu apoio foi clave no seu momento para Margaret Tatcher ou para Tony Blair, no Reino Unido, e nos Estados Unidos tenlle amosado o seu aval ao actual presidente Bush. Agora, o seu grupo de comunicación News Corporation vén de nomear un novo membro para o consello de administración: José María Aznar. Fala do asunto Juan Varela en Periodistas21.