Protesta contra o peche de Jazztel este sábado na Coruña
A Confederación Xeral do Traballo (CGT) convoca para este sábado un acto de protesta ante o posíbel peche dos servizos de atención ao cliente de Jazztel na Coruña, nos que traballan ate 700 empregados e empregadas que ficarían na rúa de confirmarse a noticia. A concentración terá lugar ás 12.00 horas do sábado, 15 de xullo, na Praza de María Pita. A compañía, que aínda non fixo ningún pronunciamento público, difundiu unha circular entre os seus traballadores na que explica que os servizos rematarán antes do 31 de agosto.
As 700 persoas, que traballan para a empresa de servizos de internet e de telefonía subcontratadas por Teleperformance, Stream e Emergia, veríanse afectadas polo deslocamento deste servizo de Jazztel a Arxentina, onde a empresa Jazzplat sería a encargada do soporte técnico e da atención ao cliente. Os plans da empresa pasarían por pechar os seus servizos da Coruña antes de rematar o verán, e facelo de forma gradual, ao tempo que van implantando o servizo no país sudamericano.
Tanto os traballadores e traballadoras como a CGT expresan a súa queixa ante o silenciamento mediático que está a sufrir este problema laboral, que pode deixar sen traballo ate a 700 persoas.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto