Medra o descontento no Son polo traslado da piscifactoría de Corrubedo a Baroña
O conflito pola instalación da granxa de peixes de Stolt Sea Farm en Corrubedo semellaba ficar desactivado ao propoñerlle a Xunta de Galiza a ubicación na Costa Galloufa, nova da que deixou constancia o propio Presidente Touriño. O proxecto inastalariase nunha zona comprendida entre Abuín e Baroña, no concello de Porto do Son, supostamente afastado visualmente desde o castro. Porén comezan a aparecer as primeiras manifestacións contrarias no concello sonense, das que foi testemuña o propio Alcalde Quintáns (PSOE) nunha xuntanza con veciños, da que dá conta o xornal El Correo Gallego. De entrada a proposta non contou co coñecemento dos donos dos terreos da parroquia de Baroña aos que lles mentou a posibilidade de seren expropiados por non vender voluntariamente.
Os veciños queren coñecer a opinión da asociación ecoloxista Adega que, nunhas primeiras manifestacións realizadas desde a prudencia de non coñeceren o proxecto concreto que se pretende realizar, sí manifestan que as piscifactorías deben ser dimensionadas e respostar ás características do medio natural onde se ubican, e os douscentos mil metros pretendidos poden ser a priori excesivos e teren un custe medioambiental inasumíbel. En próximas datas manterán diversos contactos cos colectivos veciñais e políticos de Porto do Son para fixar a súa posición perante esta explotación acuícola.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto