O Lalín Arena xa está licitado
A mesa de contratación do Concello de Lalín licitou a semana pasada as obras do novo pavillón multiusos que se proxecta na vila, o Lalín Arena. Cun custo de 8,5 millóns de euros, o pavillón ocupara unha superficie de case 18.000 metros cadrados. O edificio construirase con formigón e chapa como principais materiais e estruturarase en diferentes niveis de terrazas co obxectivo de reducir o impacto visual. A construción, de catro plantas de altura, contará tamén cunha gran cristaleira aberta aos alzados principais e con case 70 prazas de aparcamento.
A única proposta presentada ao concurso para construír e explotar o Lalín Arena recibiu a semana pasada a luz verde da mesa de contratación do Concello de Lalín. Será a Unión Temporal de Empresas (UTE) formada por Gaia Gestión Deportiva e Brués y Fernandez Construcciones quen desenvolva o proxecto.
O pavillón ten como obxectivo compatibilizar os grandes eventos deportivos, musicais e congresuais co uso cotiá por parte dos veciños. Serán case 18.000 metros cadrados os destinados ao complexo, 12.000 en concreto para a construción e uns 6.000 para os accesos e zonas verdes. O Lalín Arena construirase en formigón e chapa e esta deseñado para minimizar ao máximo o seu impacto visual. O pavillón tamén contará con paneis solares para procurar unha eficacia enerxética.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto