Vieiros

Por provincias, a de Pontevedra foi a que sufriu un maior aumento de superficie queimada, un total de 40.826 hectáreas. Seguiuna A Coruña, que a día de hoxe conta cunha perda de 34.676 hectáreas. Pola súa banda, Ourense perdeu 12.144 e Lugo, a provincia menos castigada polo lume, veu como ardían 6.104 hectáreas.

A provisionalidade das cifras achegadas hoxe por Medio Rural débese, segundo informaron desde a propia consellaría, a que a medición da superficie queimada se fixo nun primeiro momento con GPS e logo con ortofotos levadas a un plano. O procedemento estimativo da totalidade da superficie devastada polo lume é "lento e laborioso", afirmaron. Estas cifras poden variar, xa que ao estar os expertos sobre o terreo poden atopar illas de bosque que non arderan no medio do lume.