Vieiros

Unha declaración acordada polo Senado pídelle ao gobernador de Oaxaca, Ulises Ruiz, que "considere separarse do cargo para contribuír ao establecemento da gobernabilidade, a orde xurídica e a paz na entidade". A votación no Senado foi incluso apoiada pola propia formación na que milita Ruiz, o Partido Revolucionario Institucional, PRI, que malia iso non apoiou unha resolución similar presentada no Congreso, que si votaron favorablemente o resto de deputados. A decisión das dúas cámaras foi recibida con eloxios desde a Asemblea Popular dos Pobos de Oaxaca, que xunta os diversos colectivos civís que se veñen mobilizando na cidade e que recibiu a votación como "triunfo parcial".

• Anterior: Varios mortos e ducias de detidos no caos das rúas de Oaxaca
• Na prensa mexicana: La Jornada, Indymedia México e El Universal
• Manifesto contra a represión da Liga Mexicana polos Dereitos Humanos
• O último vídeo rodado por Brad Will, de Indymedia, antes de ser asasinado
• Máis vídeos: Oaxaca violenta, da CNN; caos e testemuños nas rúas