Edición xeral
A proposta de cambio de horario revoluciona a rede
A proposta xurdida na Asemblea Nacional do BNG da pasada fin de semana de instar á Xunta a adoptar o horario que corresponde ao noso fuso horario foi un dos temas que espertaron máis polémica e comentarios na rede nos últimos días. En xeral, os blogueiros galegos critican a manipulación que se fixo desta decisión por parte dos medios de comunicación estatais, e especialmente os de tendencia máis conservadora. Así, Alfaias e Cartafol do Mandeo reflicten esta realidade: o feito de que se destaque un dos detalles máis anecdóticos da Asemblea e se empregue para arremeter contra o nacionalismo galego.
O asunto está a ser tamén o máis comentado en Chuza, onde se len argumentos ás veces non moi ben fundamentados. Tamén se atopan ligazóns a outros medios de comunicación galegos e españois en que se publican todo tipo de opinións ao respecto. A meirande porcentaxe de negativas está, dende logo, nos medios estatais, onde se chega nalgúns momentos até o insulto.
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto