Vieiros

A banda deseñada galega segue a medrar na rede. An, de Vilagarcía, é o autor do recén nado blog Paxaradas, no que se contan as peripecias de todo tipo de aves, en xeral moi ligadas á actualidade. Estes retranqueiros debuxos, ademais, son bilingües, pois, á parte da versión galega -a orixinal-, teñen unha tradución ao castelán. An vénse sumar a outros exemplos de creación gráfica na internet como o xa veterano Homedareia, que saúda a entrada do ano cun zodíaco moi particular.