Vieiros

Arredor de 400 presos seguen aínda nas gaiolas de Guantánamo, sen dereito a xuízo e sen sequera térense formulado cargos contra eles. O buraco que o goberno estadounidense inventou coa escusa da loita antiterrorista para escapar á lexislación internacional cumpre esta semana cinco anos aberto. Por este motivo, Amnistía Internacional organiza esta semana en todo o mundo concentracións de protesta e recollida de sinaturas a prol do peche deste cárcere. "A tortura, a humillación, a discriminación, a burla aos tribunais e o desprezo das obrigas contraídas en virtude dos tratados, todo iso cunha impunidade case total, é o que ocorre diariamente en Guantánamo", denuncian.

• Concentración na Coruña para pedir o peche do centro de detención de Guantánamo