Vieiros

Vieiros de meu Perfil


Edición xeral

RSS de Edición xeral
DOUS BARCOS DA ASOCIACIÓN ESTÁN NA ANTÁRTIDA Á SÚA PROCURA

Un grupo ecoloxista ofrece máis de 20.000 euros pola situación de baleeiros xaponeses

O grupo oposto á caza de baleas Sea Shepherd Conservation, con base nos EUA, ofreceulle 25.000 dólares (algo máis de 20.000 euros) de recompensa a quen consiga as coordenadas de calquera barco xaponés operando no Mar de Ross, da Antártida. "Estamos aquí para evitar que maten baleas, e faremos o que poidamos, sen arriscar vidas humanas, para conseguilo", sinalou Alex Cornelissen, o capitán do barco Robert Hunter, un dos dous desprazados polo grupo dentro da campaña Operación Leviathan.

- 11:10 30/01/2007
Tags:

Existe unha moratoria mundial dende 1986 sobre o comercio dos cetáceos, mais Xapón captura centos de baleas cada ano baixo "criterios científicos". Islandia e Noruega son os dous únicos países que ignoran esta moratoria e realizan cazas de baleas con fins mercantís.

Xapón está a tratar de organizar un mitin especial da Comisión Internacional da Caza de Baleas, International Whaling Commission, para tratar de cancelar o período de veda. Un total de vinteseis países contrarios a esta práctica xa lle advertiron da súa intención de boicotear a xuntanza.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: