Edición xeral
As emisións de dióxido de carbono provocará un cambio climático acelerado neste século
Os científicos do Observatorio Intergobernamental de Expertos sobre o Cambio Climático, IPCC, reunidos en París emitiron finalmente as súas conclusións. Segundo o informe feito público este venres, a emisión humana de dióxido de carbono, CO2, está a provocar un "preocupante" aumento da temperatura do Planeta, que nos vindeiros cen anos podería ser de entre 1,8 e 4 graos. Ademais, de continuar a tendencia, as secas e as olas de calor aumentarán e o nivel do mar elevarase entre 28 e 43 centímetros, debido a desaparición de boa parte do xeo polar.
O organismo, conclúe no seu informe que o quecemento global débese, cun 90% de certeza, ás emisións humanas de dióxido de carbono e outros gases de efecto invernadoiro. Segundo as súas estimacións, todos estes cambios poderían provocar que até douscentos millóns de "refuxiados climáticos" fuxisen das rexións máis castigadas da Terra.
O informe advirte tamén de que se as concentracións de CO2 chegasen a alcanzar o dobre do nivel da época pre-industrial, o quecemento global poderíase incrementar entre 3,5ºC e 8ºC. Mais, chegados a este punto, habería un 10% de posibilidades de que fose moito maior, "unha situación completamente insostíbel" para a vida no Planeta, sinalaron os científicos.
- Anteriores: A Terra podería aumentar a súa temperatura en 3ºC neste século
Documentos
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto