O Consello da Cultura abre un ciclo de reflexión
O Consello da Cultura Galega (CCG) inaugura o martes 5 un seminario de reflexión e debate, O(s) sentido(s) da(s) cultura(s). A institución que preside Ramón Villares promove, deste xeito, un formato que contará coa presenza de destacados expertos de todo o mundo que reflexionarán sobre o futuro da cultura. Para abrir o ciclo, o martes ás catro e media da tarde, o catedrático de Filosofía da Universidade Autónoma de Madrid Félix Duque falará sobre o neohumanismo da non cidade.
O seminario está dirixido por Ramón Maiz e vai ter unha periodicidade mensual. Unha semana antes de cada conferencia, os participantes dispoñerán do texto, para que poidan reflexionar sobre o tema e preparar o debate. O 9 de marzo estará na biblioteca do CCG o esloveno Slavoj Žižek, ao que lle seguirán Alberto Ruiz de Samaniego, no mes de abril; Francisco Jarauta, o 3 de maio; Héctor Díaz Polanco, en xuño; Massimo Cacciari, en outubro, e John Keane, Darío Villanueva e José Antonio Fernández Rota, en datas aínda sen concretar.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto