Edición xeral
O goberno Aznar enviou policías a interrogar presos en Guantánamo
Sen autorización de ningún xuíz e coa colaboración do goberno Bush, o executivo do PP enviou entre xullo de 2002 e xaneiro de 2003 a varios axentes de policía para participaren en interrogatorios a dúas ducias de presos en Guantánamo. Segundo a información revelada este martes por El País, os funcionarios españois foron acompañados por axentes da CIA até esta base estadounidense mantida á marxe da lexislación internacional.
En Guantánamo, os policías interrogaron arredor de vinte presos, a maioría marroquís, preguntándolles entre outros por algún dos que máis tarde se lle atribuiría a participación nos ataques do 11M en Madrid, xa vixiados daquela.
O xornal madrileño El País publica tamén que o propio Tribunal Supremo estabeleceu que estes interrogatorios se fixeron "sen previa información de dereitos, sen asistencia letrada e sen autorización nin mandato de autoridade xudicial competente". Advirte ao respecto que Guantánamo é "un verdadeiro limbo na comunidade xurídica definida por unha multitude de tratados e convencións".
Poden ampliar na información de El País.
Ligazóns
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto