Vieiros

Vieiros de meu Perfil


Barcelona

Edición xestionada por Xabier Paradelo
RSS de Barcelona
NA UNIVERSIDADE DE BARCELONA

Conferencia da escritora Teresa Moure: "Herba moura"

A escritora e profesora de Lingüística na Universidade de Santiago de Compostela visitará a semana vindeira Catalunya e ofrecerá unha conferencia na Universidade de Barcelona co título de "Herba Moura", título da súa novela que acadou o premio Xerais no 2005, traducida ao catalán e ao español. Informa Filoloxías Galega e Portuguesa da UB.

- 22:51 15/02/2007
Tags:

Teresa Moure é unha das narradoras galegas máis galardoadas dos últimos anos. Ademais do Xerais, tamén foi laureada no 2005 co Ramón Piñeiro de Ensaio por Outro idioma é posible e co o Premio Irmandade do Libro á Autora; e no 2004 recibiu o Premio Manuel Lueiro Rey de Novela Curta por A xeira das árbores. A súa vindeira novela titularase Benquerida catástrofe e será publicada por Xerais no mes de marzo.

Tamén ten publicado varios de traballos nos que trata a responsabilidade ética da investigación ou o temor ao colonialismo e á homoxeneización cultural, baixo un punto de vista anti-globalización. Para coñecer un pouco máis a Teresa Moure, nesta ligazón podedes ler unha entrevista, realizada por Iolanda Martínez para Vieiros:Barcelona o ano pasado, e aquí escoitar a súa interesante intervención na tertulia "Os premios literarios", organizada polo Consello da Cultura Galega o decembro de 2005, canda a editora Belén Fortes e o xornalista e escritor Camilo Franco.

Conferencia de Teresa Moure: "Herba Moura"
Venres 23 de febreiro de 2007 ás 19:30
Universitat de Barcelona
Edifici Històric, Aula 111
Gran Via de les Corts Catalanes, 585 - 08007 Barcelona

Filoloxía Galega e Portuguesa da UB é membro de Rede.cat.


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: