O Celta deixa escapar dous puntos nunha segunda parte nefasta
Cara e cruz en tan só noventa minutos. O Celta realizou a mellor primeira metade no que vai de campionato e deixou escapar a vitoria nunha desastrosa segunda parte. Baiano, de penalti, e un inspirado Bamogo anotaron os goles celestes nun primeiro tempo dominado polos de Vigo.
Na segunda metade Munitis toleou a defensa celeste cos seus caneos e centros. O ex deportivista marcou o 2-1 e Vázquez deu entrada a Lequi por Bamogo. O arxentino sería substituído pouco despois de que Cristian anotase o 2-2 definitivo desde os once metros. A humillación pública a Lequi, malia que saíu porque tiña un cartón, enfureceu a parte da bancada celeste que volveu pedir a dimisión do adestrador.
O bo é que o Celta con este punto sae momentaneamente dos postos de descenso. Con vinte e seis, queda a un punto de Betis e Levante, empatado co Mallorca e por enriba do Athletic.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto