Vieiros

O pleno do municipio de Rianxo acaba de aprobar unha moción pola que expresa o seu "apoio á creación dun dominio propio de Galiza en Internet". O acordo rianxeiro destaca que é "moi dificultoso" lograr que a ICANN lle conceda a Galiza un dominio para a súa lingua e cultura, como xa fixo con Cataluña, polo que fai fincapé na necesidade de sumar apoios institucionais.

Non pecha as vías para o “.gz”
“O .gal é o domino que debe corresponderlle á comunidade galega, como comunidade con fortes vencellos (lingüísticos, culturais, históricos, sociais)” sinala o texto presentado por dous concelleiros do BNG. Xoán Bautista Mariño Abuín e Adelina Ces explican no seu escrito que "a proposta do .gal non invalida en ningún caso a proposta dun dominio xeográfico de dúas letras (.gz, por exemplo)”.