Vieiros

A cantante británica Lucie Silvas chega á Coruña. Os admiradores da artista teñen a oportunidade de vela en vivo no Coliseo a partir das dez da noite. Para os que prefiran outro tipo de músicas, poden asistir na cidade herculina a outros tres concertos: No Playa Club tocarán ás doce da noite os Sex Museum; na sala Mardi Gras estarán os asturianos Fe de Ratas e mais Konflikto de abreconcertos, ás dez da noite, e no Fórum Metropolitano estará a partir das nove Xabier Díaz e a súa Música de Salitre.

No auditorio municipal de Mera comezará ás oito un cuádruplo concerto: Los Santos, Shroud of Tears, Tool 64 e Pick Up The Trash On Fridays, con entrada libre. Nas instalacións equivalentes da Estrada tocará a Wilko Johnson Band. En Vigo, Sweet Oblivion, The Blows e Tanghana's Show participan no concurso MusicaliA! da sala A!

Na mesma cidade, Quatro D Abril e La Puerta Nº 2 actúan na Fábrica de Chocolate e Tokyo Sex Destruction segue de xira na Iguana Club. En Compostela, 96 Grados actúa na Churrasco Express a partir das once e media da noite, mentres que Berri Txarrak e Nao actúan ás dez na sala Nasa.

A sala DZine de San Sadurniño recibe a sexta feira os cataláns La Pegatina e mais a Banda Potemkin. Na Zona Zero de Caldas estará Phantom Club, mentres que en Nigrán, no bar Patos, actuará Septiembre.